Татар дөньясы

Сургут шәһәренең «Ак калфак» татар хатын-кызлары җәмгыяте «Аулак өй» уздыра

Җәмгыять әгъзалары калфак тегү, чигү, төсле атлас тасмалар белән картиналар ясау, бәйләү, милли ризыклар пешерү кебек эшләр белән шөгыльләнә.
09.02 07:28

(Казан, 9 февраль, "Татар-информ").  Сургут шәһәренең татар хатын-кызлары җәмгыяте үз эшенә бик җаваплы карый. «Ак калфак» җәмгыяте бу атнада халыкны «Аулак өй» кичәсе белән таныштырачак. Бу хакта Сургут шәһәренең татар милли-мәдәни автономиясенә сылтама белән Бөтендөнья татар конгрессы матбугат үзәге хәбәр итә.

Хәзерге көндә җәмгыять эшне төрле юнәлештә алып бара. Җәмгыять әгъзалары калфак тегү, калфак чигү, төсле атлас тасмалар белән төрле картиналар ясау, бәйләү, милли ризыклар пешерү кебек эшләр белән шөгыльләнәләр. Төрле түгәрәкләрдән кала, "Шәл бәйләү", "Каз өмәсе", "Бишек җыры", "Карга боткасы" кебек милли йолаларны искә төшереп, халыкка таныту, элек-электән килгән төрле һөнәрләрне саклау һәм аны яшь буынга җиткерүне, өйрәтүне максат итеп куйган калфаклы ханымнар.

Еллар үтүгә карамастан, кул эшләре белән шөгыльләнү бүген дә халыкның көнкүреш хезмәте булып тора. Бүгенге компьютер каршыннан китмәгән, гаджетларны кулыннан төшермәгән замана кызларын кул эшенә ничек өйрәтергә? Балаларга бу һөнәрне яшәү чыганагы булуын аңлату, уйланырга, тормышка әзерләнергә, үз алларына максат куеп яшәргә өйрәтүне күз алдында тотып, Сургутның алтын куллы кызлары җиң сызганып эшкә кереште. Алар бу атнада «Аулак өй» кичәсе белән таныштырачак.

Аулак өй кичәсенең төп максаты - татар халыкының әби-бабайлардан калган гореф-гадәтләрен яңарту, балаларны татар халык традицияләрендә тәрбияләү, гореф-гадәтләр аша татар теленә мәхәббәт хисләре уяту, татар халык уеннарын һәм җырларын өйрәтү, әдәплелеккә, бер-береңә карата игътибарлы булырга, олылырны хөрмәт итәргә күнектерү, диелә матбугат хәбәрендә.

 

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентынан бүләк - Сертификат тапшырды.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.