Спорт

Биектауда Татарстанның иң яхшы көрәшчеләре бүләкләнде

Быел бәйгегә Татарстан район һәм шәһәрләреннән, шулай ук күрше Башкортстаннан барлыгы 399 көрәшче килде.
09.02 17:21

(Казан, 9 февраль, “Татар-информ”, Фәрит Салихов). Быел “Ватаным Татарстан” газетасы герой шагыйрь Муса Җәлил истәлегенә уздыра торган традицион турнирның ачылыш тантанасы гадәттәгедән соңрак – төштән соң гына үтте. Гадәт буенча бу турнирда республиканың узган ел дәвамында уңышлы чыгыш ясаган көрәшчеләре, тренерлары һәм команда вәкилләре бүләкләнә.

Иң яхшы көрәшчеләр республиканың дәрәҗәле турнирларындагы нәтиҗәләрдән чыгып бәяләнә. Аерым алганда, Татарстан чемпионаты, Авыл хуҗалыгы министрлыгы призына уздырыла торган ярыш, Муса Җәлил истәлегенә үткәрелүче турнир һәм Россия чемпионатындагы күрсәткечләр карала.

2017 елның иң яхшы көрәшчеләре булып Ренас Кәлимуллин (Менделеевск), Илмир Төхвәтуллин, Булат Мусин (икесе дә Яңа Савин районы, “Ак Барс” Көрәш сарае) һәм Илсур Гыймадетдинов (Кукмара) танылды. Ренас белән Илмир барлык дүрт турнирда да чемпион булса, Булат исәбендә – өч, Илсурның 2 җиңүе бар.

Сүз уңаеннан, Муса Җәлил истәлегенә үткәрелүче турнирның соңгы ике елдагы чемпионы Ренас Кәлимуллин быел Зәй районы данын яклый.

Исегезгә төшерәбез, “Татар-информ” алдан хәбәр иткәнчә, быелгы бәйге Татарстан район-шәһәрләре һәм күрше Башкортстаннан 399 көрәшчене үзенә җыйды. 55нче турнир Биектауның “Биектау” спорт комплексында уза.

КӨН ҮЗӘГЕНДӘ

Рөстәм Миңнеханов Пхёнчхандагы Олимпиадада уңышка өлеш кертүчеләрне котлады

Президент республика халкы һәм шәхсән үз исеменнән спортчы Андрей Ларьковка, аның беренче тренеры Владимир Махаловка уңышлар теләде.

Туган телдә башкарылган җыр конкурсында Айдар Сөләйманов Гран-при алды

«Биир күн» («Под одним солнцем») – I төбәкара интерактив заманча җыр конкурсы Якутиядә уздырыла.

Татарстан һәм Башкортстан журналистларына ТӨРКСОЙ премиясе тапшырылды

Төркиянең Кастамону шәһәрендә Казахстан шагыйре Магҗан Җомабаев елы ачылышы узды.

Илшат Фәрдиев Андрей Ларьковны Олимпиадада көмеш медаль алуы белән котлады

Соңгы ике көндә Татарстан спортчылары Анна Нечаевская һәм Андрей Ларьков атказанган спорт мастерлары булды, диелә котлауда.

Татарстан спортчысы Андрей Ларьков Олимпиадада көмеш медаль алды

Спортчы Россия җыелма командасында чаңгы ярышларында икенче булды.