Спорт

Футбол буенча дөнья чемпионатында катнашучы командаларның өчесе Татарстанда урнашачак

2018 елгы чемпионат вакытында Австралия, Колумбия һәм Япония җыелма командалары Татарстанда яшәячәк.
09.02 16:07

(Казан, 9 февраль, «Татар-информ», Алексей Анисимов). 2018 елгы дөнья чемпионаты вакытында Австралия, Колумбия һәм Япония җыелма командалары Татарстанда урнашачак. Уеннарда катнашучы командаларның базалары һәм тренировка мәйданчыклары исемлеге Халыкара футбол федерациясенең рәсми сайтында дөнья күрде.

Австралия командасы Казанның “Ак Барс” базасында үз матчларына әзерләнәчәк, ә «Хезмәт резервлары» стадионында тренировкалары узачак. Япония командасы “Рубин” футбол базасында яшәп, тренировкалар үткәрәчәк. Колумбия командасы Татарстанның Югары Осландагы “Казан” тау чаңгысы комплексы территориясенә урнашачак.

Россиядә футбол буенча дөнья чемпионаты 14 июньнән алып 15 июльгә кадәр узачак. Казанда алты матч үткәреләчәк.

 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.