Икътисад

Кукмара районы Лельвиж җирлеге район җирлекләре арасындагы рейтингта алдынгы урынны били

Лельвижлылар быел үзара салым күләмен 800 сум күләмендә билгеләгән.
09.02 23:00

(Кукмара, 9 февраль, "Татар-информ", "Хезмәт даны", Ризилә Корбанова). Кукмара районы Лельвиж авыл җирлегендә 129 хуҗалык исәпләнә, барлыгы 566 кеше гомер кичерә, kukmor-rt.ru сайты. 

Җирлек халкының күбесе Вахитов исемендәге хуҗалыкта хезмәт куя. 2017 елда хуҗалык лельвижлыларга барлыгы 23 миллион 715 мең сум хезмәт хакы түләгән, дип яза Бер кешегә бүлеп караганда, 22 мең сумнан артык туры килә икән. Шулай ук хуҗалык мал асраучыларга печән-салам, ашлык белән дә ярдәм итә. 

Җирлектә бер генә бәйрәм дә хуҗалык ярдәменнән башка үткәрелми. Өлкәннәр, инвалидлар көне мул чәй табыны артында концерт номерлары белән оештырыла.
Авылда яшәү, тормыш көтү өчен, билгеле, уңай шартлар булу кирәк. Республика да тормышка ашырылучы үзара салым җыю программасы күп кенә мәсьәләләрне уңай хәл итәргә мөмкинлек бирде. Лельвиж авыл җирлеге башлыгы Рәис Хөсәенов та әлеге программаның нәтиҗәле эшләвен билгеләп үтте. Алга китеп әйтим, быел лельвижлылар үзара салым күләмен 800 сум дип билгеләгәннәр.

–Үткән ел җирлектән 232200 сум акча җыйналды, ул дәүләттән 1 миллион 161 мең сум булып әйләнеп кайтты, - диде Рәис Хөсәенов.

Лельвижда да әлеге акчаларның күп өлеше юлларны ремонтлау өчен тотылган. Майская һәм Набережная урамнарына вак таш җәелгән. Майская һәм Советская урамнарына янгын гидрантлары урнаштырылган. Быел да әлеге эшләрне дәвам итеп, акчаларның күп өлешен юллар ремонтына тотарга планлаштыралар.

-850 метр юл салырга, тагын ике янгын гидранты алып кайтып куярга кирәк. Җәй көне су белән проблемалар булгалый, шуңа күрә башнясын ремонтлыйсыбыз бар, - диде җирлек башлыгы, хәл ителәсе мәсьәләләрне санап китеп. Әйе, күпме хезмәт һәм акчалар таләп итә бит әлеге эшләр. Җирле халык белән җитәкчелек бер-берсен аңлап эшләгәндә генә барысын җиңеп чыгарга була.

 


 

КӨН ҮЗӘГЕНДӘ

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәте өчен" медале тапшырылды, хаҗ кылу өчен юллама бәяләре билгеле.

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.