Спорт

Рөстәм Кәлимуллин: Үз-үзен җиңеп келәмгә чыккан көрәшче тормышта да югалып калмый

Биектау районы башлыгы җирлектә дәрәҗәле турнир уздыруның яшьләрне тәрбияләүгә этәргеч ясаячагына ышаныч белдерә.
09.02 18:36

(Казан, 9 февраль, “Татар-информ”, Фәрит Салихов). Биектау районы “Ватаным Татарстан” газетасының герой шагыйрь Муса Җәлил истәлегенә көрәш турнирын киләсе елга да үзләрендә уздырырга әзер. Бу хакта “Татар-информ” хәбәрчесенә район башлыгы Рөстәм Кәлимуллин җиткерде.

“Мондый турнирны үзләрендә уздырырга теләүче районнар күптер. Мөмкинлекләре зур булган, бай районнар да бар. Киләсе елга Биектауда уздырырга теләсәк тә, моңа әзер булсак та, икенче ел рәттән мөмкинлек бирмәсләр шул. Безгә быел ул аванс буларак бирелгән икән, горурланабыз һәм матур итеп уздырырга тырышабыз”, – диде Рөстәм Кәлимуллин.

Биектау районы башлыгы сүзләренчә, төбәктә дәрәҗәле турнир уздыру яшь көрәшчеләрнең максатларын ныгытырга булыша.

“Әлеге турнир узганнан соң үзебездә көрәш түгәрәгенә язылучы балалар саны артуына өметләнәм. Дәрәҗәле көрәшчеләрнең бил алышуын күргән яшьләрнең тагын да зуррак максат куеп шөгыльләнәчәгенә шигем юк, – диде ул. – Ә келәмгә чыгу ул – үз-үзеңне җиңә алу, дигән сүз. Андыйлар тормышта да югалып калмаска тырышачак”.

Исегезгә төшерәбез, спорт министрының беренче урынбасары Хәлил Шәйхетдинов традицион турнирның ике ел Зәйдә үткәрелгәннән соң, яңадан Биектау районына әйләнеп кайтуын очраклы гына булмавын җиткергән иде.

КӨН ҮЗӘГЕНДӘ

18 августның төп вакыйгалары - фото һәм сылтамалар

М.Шәймиев пенсия реформасының котылгысыз булуын әйтте, Р.Миңнеханов Мәскәүдә сәнгать осталары концертын карады, Оренбургта "Мулла" фильмын күрсәтәләр.

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Кызыл Байрак авылында композитор Салих Сәйдәшевне искә алдылар

“Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.