Хәвеф-хәтәр

Түбән Камада начар ниятле затлар ике егетне үз-үзләренә кабер казырга мәҗбүр иткәннәр

Яшьләр егетләрне урлаганнар, талаганнар, кыйнаганнар һәм ирекләрен сатып алырга тәкъдим иткәннәр.
09.02 21:32

(Казан, 9 февраль, «Татар-информ»). Түбән Камада начар ниятле затлар 16 һәм 19 яшьлек ике егетне үз-үзләренә кабер казырга мәҗбүр иткәннәр. Бу хакта Россия Тикшерү комитетының Татарстан буенча Баш идарәсе җитәкчесенең өлкән ярдәмчесе Андрей Шептицкий хәбәр итте.

Ачыкланганча, 7 февраль төнендә 19 һәм 16 яшьлек ике егет Вахитов урамындагы тулай торакка танышы янына килгәннәр. Ир-ат эшкә киткән, егетләргә бүлмәсендә төн кунарга рөхсәт иткән. Төнлә фатирга билгесез өч зат кергән һәм хуҗаны эзли башлаганнар. Кунакларга яшьләрнең каршы алуы ошамаган, аларны кыйнаганнар, пычак белән янап телефоннарын, документларын, 1 мең сум акчаларын урлаганнар һәм тагын ике мең таләп иткәннәр.

Аннары начар ниятле затлар егетләрне урманга алып барганнар, кыйнаганнар һәм үз-үзләренә кабер казырга мәҗбүр иткәннәр. Азат итү өчен акча сораганнар. Егетләрнең берсе аларга - “Жигули”, икенчесе туганнарындагы 80 мең сумны бирергә вәгъдә иткән. Шул төндә алар автомобильне алганнар, танышлары фатирында үз корбаннары белән бергә кунганнар, ә аннары алар белән бергә икенче егетнең туганнарына акчага киткәннәр.

Егет туганнарына бу хәл турында әйткән, алары полициягә хәбәр иткәннәр. Тоткарланган затларның икесенә дә 20 яшь. Аларның берсе гаебен - тулысынча, икенчесе өлешчә таныган.

Бу факт буенча “Янау” һәм “Кеше урлау” маддәләре буенча җинаять эше кузгатылган.

Хәзер тикшерүчеләр бу хәлнең нечкәлекләрен өйрәнәләр һәм тикшерү үткәрәләр.

 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.