Мәдәният

Баулыда Фәнис Яруллинның туган көненә багышланган митинг узды

Митинг шагыйрь һәйкәленә чәчәкләр салу белән тәмамланды.
10.02 03:00

(Баулы,  9 февраль, "Татар-информ",  "Хезмәткә дан", Индира Сәйфуллина). Язучы, драматург, Татарстанның халык шагыйре, Габдулла Тукай, Муса Җәлил исемендәге Дәүләт бүләкләре лауреаты Фәнис Яруллинга 9 февральдә, 80 яшь тулган булыр иде. Әдипнең туган көнендә баулылар аның һәйкәле янына митингка җыелдылар, дип яза район газетасы.

– Халкыбызның каһарман улы, якташыбыз Фәнис ага Яруллин үзенең иҗаты белән безне дөнья ваклыкларыннан һәм ыгы-зыгыдан өстен булырга өйрәтте, чын мәгънәсендә Кеше булырга чакырды, – диде район башлыгы урынбасары Ринат Хәмидуллин. – Бүгенге көндә районда гына түгел, бөтен республикада аңа багышланган иҗат кичәләре үтә, атналык, айлыклар игълан ителде. Аның күңелгә рәхәтлек биргән, уйланырга мәҗбүр иткән тирән мәгънәле шигырьләрен балалар да, өлкән буын да үз итә. Радио-телевидение, социаль челтәрләр аша алар халыкка ирешә. Баулы халкы Фәнис Яруллин кебек шәхесе белән горурланып яши.

Чара барышында өченче мәктәп укучылары һәм китапханә хезмәткәрләре Фәнис Яруллин шигырьләрен укыдылар.

– Фәнис Яруллинга багышланган чараларның һәрберсендә катнашырга тырышам, – диде әдипнең дусты Мохтар Афзалов. – Баулыда аның елы игълан ителгәнгә дә чын күңелдән сөендем. Бүген районның кайсы гына мәктәбенә барып керсәң дә, анда Фәнис Яруллин "бар". Укчылар аның шигырьләрен ярыша-ярыша ятлыйлар, матур да, эчтәлекле дә чаралар үтә. Кыскасы, мәктәпләрдә, балалар бакчаларында Фәниснең сулышы бар кебек.

Митинг Фәнис Яруллин һәйкәленә чәчәкләр салу белән тәмамланды.

КӨН ҮЗӘГЕНДӘ

14 августның төп вакыйгалары - фото һәм сылтамалар

Татарстанда урып-җыюның экваторына якынлаштылар, республикада кош гриппы буенча карантин гамәлдән чыга.

Р.Миңнеханов Чүпрәледә җир белән эшләүгә аерым игътибар бирелүен әйтте

Чүпрәледә гектарыннан 25 центнер алып, 45,6 мең тонна ашлык суктырылган.

Татарстан Президенты Буа районында урып-җыю барышы белән танышты

Районда бөртекле һәм бөртекле-кузаклылар мәйданының яртысыннан артыгы суктырылган.

Нәҗибә Ихсановага Азнакайдан якташлары авыл күчтәнәчләре алып килде

Бүген Татарстанның халык артисткасы Нәҗибә Ихсанова белән күрешергә дип, Азнакайдан бер төркем якташлары Казанга килде.

Римма Ратникова фотограф Рамил Галине Татарстан фотожурналистикасының исеме дип атады

Экспозициядә 80нче еллар ахыры – 90нчы еллар башындагы вакыйгалар, танылган сәясәтчеләр һәм җәмәгать эшлеклеләренең фотолары урын алды.