Татар дөньясы

Баулы районында 2018 ел Фәнис Яруллин елы дип игълан ителде

Ел дәвамында районда халык шагыйренең әсәрләре мәктәпләрдә, клубларда яңгыраячак.
10.02 09:13

(Казан, 10 февраль, “Татар-информ”, Мөршидә Кыямова). Баулы районында 2018 ел Фәнис Яруллин елы буларак игълан ителде. Бу хакта Баулы районы башлыгы Рамил Гатиятуллин кичә Ф.Яруллинның 80 еллыгына багышланган тантаналы концерт барышында хәбәр итте.

Исегезгә төшереп узабыз: кичә Г.Тукай исемендәге филармония концертлар залында халык шагыйре Фәнис Яруллинның 80 еллыгына багышланган әдәби-музыкаль кичә булып узды.

Ул чарада Баулы районыннан килгән кунаклар да катнашты. “Быел һәр мәктәптә, һәр клубта, һәрбер гаиләдә Фәнис абыйның әсәрләрен укыйлар, - диде Рамил Гатиятуллин. – Без якташлары - Фәнис абыйга бик рәхмәтле. Без аны Нурсөя ападан аерып карамыйбыз. Нурсөя апага да рәхмәтлебез, ул – хәзерге гаиләләргә үрнәк!”

Баулы районында Нурсөя белән Фәнис Яруллинар хөрмәтенә һәйкәл куелган.

 

КӨН ҮЗӘГЕНДӘ

Рәмис Аймәтнең ноталы җыр китабы басылып чыкты

Басмага шагыйрьнең йөздән артык җыры кергән.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.

Минтимер Шәймиев Зөя утрау-шәһәрчегендә Агач археологиясе музеен карады

Минтимер Шәймиев Археология институты хезмәткәрләрен Россия археологларының рәсми булмаган һөнәри бәйрәмнәре белән котлады.

Камил хәзрәт Сәмигуллин Мәккәдә Татарстан хаҗилары белән очрашты

Мөфти вәгазь сөйләде һәм булачак хаҗилар сорауларына җавап бирде.