Мәдәният

Ф.Яруллин һәр әсәрен йөрәге аша уздырып язды, дип искә алалар

Нурсөя апа кебек ханымнар меңгә бер туа, - ди “Әкият” курчак театры директоры Роза Яппарова.
10.02 12:49

(Казан, 10 февраль, “Татар-информ”, Мөршидә Кыямова). Фәнис Яруллинның хатыны Нурсөя апа кебек кешеләр турында телевидениедә тапшырулар эшләргә кирәк. Бу хакта “Татар-информ” хәбәрчесенә “Әкият курчак театрының директоры Роза Яппарова хәбәр итте.

Вечер памяти, посвященный 80-летию со дня рождения Фаниса Яруллина

“Фәнис Яруллин - ул рус әдәбиятындагы Павел Корчагин кебек, дигән доклад язганымны хәтерлим, - ди Роза Яппарова. – “Җилкәнемне җилләр еккач”, - дип атала иде ул чыгышым. Фәнис абый - миңа якын кеше. Кызылъяр авылыда минем бабам председатель булып эшләгән. Туганнарым ул авылны бик яхшы белә. Фәнис Яруллин - зур шәхес. Нәрсә язса да, йөрәктән уздырып язды. Йөрәктән язган гына йөрәккә барып җитә. Мин аның әсәрләрен мәктәп яшеннән үк яратып укый идем. Фәнис абый белән бер йортта тора идек. Тормыш якташларны гел шулай очраштырып тора. Нурсөя апа алдында баш иям.

Вечер памяти, посвященный 80-летию со дня рождения Фаниса Яруллина

Андый хатын-кызлар меңгә бер туа торгандыр. Гомерен ул тулаем Фәнис Яруллинга багышлады. Ә андый кешеләр тормышта бик кирәк. Андыйлардан без үрнәк алырга тиеш. Үсеп килүче буынга нәкъ менә шундый шәхесләр өлге булып тора. Телевидениедә андый кешеләр турында тапшырулар эшләргә кирәк. Фәнис Яруллинның 80 еллыгын шулай зурлап үткәрүчеләргә рәхмәт! Яшерен-батырын түгел, хәзерге вакытта талантлы кешеләргә дә игътибар җитми. Бәйрәмгә Фәнис абыйны хөрмәт иткән, аның иҗатын яратучылар җыелган иде. Киләчәктә дә якташлары да, татар халкы да шагыйрьне онытмас, дип уйлым”.

Вечер памяти, посвященный 80-летию со дня рождения Фаниса Яруллина

Исегезгә төшереп узабыз: 9 февральдә Г.Тукай исемендәге филармониянең концерт залында Ф.Яруллинның 80 еллыгына багышланган әдәби-музыкаль кичә узды. Бәйрәмдә Нурсөя Яруллинага Татарстанның “Фидакарь хезмәте өчен” медале тапшырылды.

КӨН ҮЗӘГЕНДӘ

Гөлназ Сәфәрова белән Айваз Садыйров фонограммага җырлаучының чын йөзен ачарга өйрәтте

"Татар радиосы" хитлары" концертында утыздан артык татар эстрада җырчысы тере тавышка җырлаячак.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

Татарстан юлларында куркыныч участоклар саны кимегән

Казан-Чаллы юлын төзекләндерү дә һәлакәтләр санын киметте, диде Рөстәм Миңнеханов.

Россия Президенты ярдәмчесе “Казан Экспо” күргәзмә үзәге әзерлеген югары бәяләде

“Юллар 2018” халыкара күргәзмәсе “Казан Экспо” мәйданында беренче тапкыр үткәрелә.