Мәдәният

"Бөтендөнья фольклориадасы-2020" оештыру комитеты рәисе итеп Ольга Голодец билгеләнде

2020 елда Бөтендөнья фольклориадасы фестивале Уфада узачак.
11.02 10:41

(Казан, 11 февраль, “Татар-информ”). 6 февральдә Россия хөкүмәте рәисе Дмитрий Медведев Уфада узачак "Бөтендөнья фольклориадасы- 2020" оештыру комитеты составы турында карар имзалаган. Аның рәисе итеп Россия хөкүмәте вице-премьеры Ольга Голодец билгеләнгән. Бу хакта “Башинформ” хәбәр итә.

Россия мәдәният министры Владимир Мединский һәм Башкортстан башлыгы Рөстәм Хәмитов Бөтендөнья фольклориадасы комитеты рәисе урынбасарлары итеп расланган. Оештыру комитеты алдында фольклориаданы әзерләү һәм уздыруда төп чаралар планын эшләү һәм раслау бурычы тора.

Бөтендөнья фольклориадасы — традицион мәдәният буенча эре халыкара фестиваль ул. Әлеге чара дүрт елга бер тапкыр уздырыла. Бөтендөнья конгрессы һәм Фольклор фестивальләрен һәм традицион сәнгатьне оештыру Халыкара Генераль Ассамблеясы (CIOFF) 2020 елда Бөтендөнья фольклориадасы фестивален уздыру урыны итеп Уфаны сайлады. 

"Татар-информ"  2020 елда Башкортстанда VI Бөтендөнья фольклориадасы үтәчәк, дип хәбәр иткән иде. Бөтендөнья фольклориадасы эстафетасын Уфага китергән этно-рок төркеме Казанда чыгыш ясады.

Мәгълүмат өчен. Бөтендөнья фольклориадасы Фольклор фестивальләре оештыру халыкара советы чараларының бер өлеше булып тора. Беренче Фольклориада 1996 елда уздырылды. Ул дүрт елга бер мәртәбә үтә. 2016 елда Фольклориада Мексикада узган иде.
 

КӨН ҮЗӘГЕНДӘ

“Татарча диктант”ны "Татар-информ" сайты аша онлайн язып булачак

Диктант текстын танылган шагыйрә, Татарстанның атказанган сәнгать эшлеклесе Сания Әхмәтҗанова укыячак.

Рөстәм Миңнеханов Татарстанның Финляндия бизнесы һәм капиталы белән кызыксынуын әйтте

Россия һәм Финляндиянең уңышлы компанияләре вәкилләре "Корстон"да үз предприятиеләре потенциалын күрсәтә.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

“Татар-информ”да гошер сәдакасын җыю һәм тарату йомгаклары турында сөйләшәчәкләр

Матбугат конференциясендә Татарстанның баш казые Җәлил хәзрәт Фазлыев катнаша.