Дин

Беренче Евразия Коръән укучылары бәйгесе Саратовта узачак

Оештыру комитеты рәисе, Коръән үзәге җитәкчесе Ильяс хәзрәт Ильясов Беренче Евразия Коръән укучылар бәйгесенең 19-20 майда узачагын әйтте.
11.02 12:40

(Казан, 11 февраль, “Татар-информ”). Саратов өлкәсе мөселманнары Диния нәзарәтенең “Зейд бин Сабит” Коръән үзәге оештыручы зур чара Россия мөфтиләр шурасы ярдәме белән узачак. Бу хакта Россия мөфтиләр шурасы матбугат хезмәте хәбәр итә.

Оештыру комитеты рәисе, Коръән үзәге җитәкчесе Ильяс хәзрәт Ильясов Беренче Евразия Коръән укучылар бәйгесенең 19-20 майда Саратов шәһәрендә узачагын җиткерә. “Коръән бәйрәме Рамазан аеның беренче декадасында узачак. Халыкара Коръән укучылар бәйгесе күпчелек очракта изге Рамазан аенда уза”, - дип билгеләп үтә ул.

Оештыручылар Саратовта узучы бәйгегә якын һәм ерак чит илләрдән катнашучылар килер дип көтә. Шулай ук Россия төбәкләрендәге Диния нәзарәтләренә Коръән-хафиз бәйгесенә чакырулар җибәреләчәк.

Саратов өлкәсеннән әлеге зур бәйрәмдә “Зейд бин Сабит” Коръән үзәгендә тәрбияләнүчеләр чыгыш ясаячак.

Бәйгедә 30 яшькәчә булган һәркем катнаша ала. Бу таләпне оештыручылар юкка гына куймаган. “Бөтен илләрдә дә бәйгедә катнашучылар яше киметелә бара. Без дә Коръәнне балачактан өйрәнеп, аннан Коръән өйрәнү үзәкләрендә дәвам итүче студентларны һәм якшәмбе мәктәпләрендә укучыларны тартырга, аларга югары дәрәҗәдә үзләрен күрсәтү мөмкинлеге бирергә булдык”, - дип белдерә Ильяс хәзрәт Ильясов.

Бәйгедә катнашу өчен төп таләпләрнең берсе – алар халыкара бәйгеләр җиңүчеләре булырга тиеш.

Саратовта бәйге “Хифз” (Коръәнне тулаем яттан уку) номинациясендә узачак. Жюрида халыкара дәрәҗәдәге хөкемдарлар булачак.

Беренче Евразия Коръән укучылар бәйгесе буенча сорауларны Koran@dumso.ru электрон почтасы аша бирергә була.

Изге эштә ярдәм итәргә теләге булганнарга Яндекс-янчык: 410014703947278. Ул сезнең тарафтан сәдака булып барачак, дип җиткерә оештыручылар.
 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.