Дин

Буа мөхтәсибәтендә “Кошларга ярдәм ит” чарасы узды

Кошлар ашханәсе Буа мәчетләре, балалар бакчалары территориясенә элеп куелачак.
11.02 13:37

(Казан, 11 февраль, "Татар-информ"). Буа мөхтәсибәтендә “Кошларга ярдәм ит!” дип исемләнгән акция төгәлләнде. Гыйнвар аенда Буа мөхтәсибәте яшьләр бүлеге белән берлектә “Җимлекне үзең яса!” дигән конкурс игълан иткән иде. Бу турыда Татарстан мөселманнары Диния нәзарәте матбугат хезмәте хәбәр итте.

Бар халык бердәм булып, бик теләп катнашкан. 8 февраль көнне Буа мәдрәсәсе бинасында бәйгегә нәтиҗә ясалган.

"Имам-мөхтәсиб Илмир хәзрәт Хәсәнов җимлек ясап килгән кунакларга канатлы дусларыбызны салкын кышларда ашату никадәр әһәмиятле булуы турында җиткерде. Яшьләр бүлеге җитәкчесе Илнур хәзрәт Сафиуллин мөселман кардәшләребезгә үзенең рәхмәтен белдерде. Барлык җимлекләр дә үзенчәлекле итеп, бик матур итеп ясалган", диелә әлеге хәбәрдә.

Җиңүчеләр:

Беренче урын -  Камилә Исхакова, "Әкият" балалар бакчасында тәрбияләнүче. Җитәкчесе – Г.А.Галимова 

Икенче урын  - Зилә Салихова, 2 номерлы лицей-мәктәп укучысы.

Өченче урын -  Ильяс Сафиуллин, М.Вахитов исемендәге гимназия укучысы. Җитәкчесе - М.С.Сафиуллин.

Урын алучылар Буа мөхтәсибәтеннән истәлекле бүләкләр һәм мактаулы кәгазьләре белән бүләкләнгән.

Кошлар ашханәсе Буа мәчетләре, балалар бакчалары территориясенә элеп куелачак. Мөхтәсиб Илмир хәзрәт Хәсәнов әлеге акциягә кушылган барча буалыларга, яшьләр бүлеге җитәкчесе Илнур Сафиуллинга олы рәхмәтен белдерде. 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.