Татар дөньясы

Омскида Татар мәдәнияте көннәре оештыралар

Чара кысаларында “Татар кызы” һәм “Татар егете” бәйгеләре булачак.
11.02 16:51

(Казан, 11 февраль, “Татар-информ”). Омскида 23, 24, 25 мартта Татар мәдәнияте көннәре булачак. Татар мәдәнияте көннәре проекты Россия Федерациясе Президенты фонды гражданлык җәмгыятен үстерү өчен биргән грантны файдалану хисабына тормышка ашырылачак. Бу хакта Омск өлкәсе Төбәк татар милли-мәдәни автономиясе сайты хәбәр итә.

Омскида Татар мәдәнияте көннәрен "Татарстан-Омск" “Эшлекле һәм мәдәни багланышларны үстерү үзәге” коммерцияле булмаган хезмәттәшлеге; Омск өлкәсенең “Мәдәният” татар милли-мәдәни төбәк иҗтимагый оешмасы; "Заман" татар мәдәният үзәге оештыра. Программадагы чаралар өч көнгә исәпләнгән.

23 мартта Конгресс-Холлда (Экспоүзәк, Омск шәһәре) яшьләр һәм Мәдәни үзәк җитәкчеләре өчен түгәрәк өстәлләр, очрашулар, фикер алышулар булачак.

24 март исә күргәзмә һәм бәйгеләргә багышлана. Конгресс-Холлда тематик күргәзмәләр әзерләнә, традицион милли һөнәрчелек ярминкәсе оештырыла, кино күрсәтелә, милли уеннар булыр дип планлаштырыла, “Татар кызы” һәм “Татар егете” бәйгеләрен оештырачаклар.

25 март – йомгаклау көнендә М. Малунцев исемендәге мәдәният йортында “Чәк-чәк PARTY” акциясе, бүләкләүләр, Татарстанның популяр "Казан егетләре" төркеме катнашында Гала-концерт булачак.
 

КӨН ҮЗӘГЕНДӘ

Тел, әдәбият һәм сәнгать институты тарафыннан 2017 елда 69 китап әзерләп чыгарылган

2017 ел - бер яктан, үзебезнең уңышлар, икенче яктан, республикада академик фәнгә мөнәсәбәтнең уңай булуы, ди институт директоры.

22 февральнең төп вакыйгалары - фото һәм сылтамалар

Республикада Ватанны саклаучылар көне билгеләп үтелде, туган тел мәсьәләсе көн үзгендә, Рәфикъ Юныс «Фидакарь хезмәт өчен» медале белән бүләкләнде.

#атнабай флешмобына Динар Хөснетдинов кушылды

Ул Әнгам Атнабаевның "Мәсьәлә" шигырен укый.

"Татар-информ" журналисты россиякүләм бәйгедә лауреат исеменә лаек булды

Конкурсның максаты - яшь журналистларны халыкара глобаль дәрәҗәдәге проблемаларга җəлеп итү.

Мөселман психологлары ассоциациясе: Эшебездә иң мөһиме - психологик ярдәм күрсәтү

“Психологик ярдәм үзәге” ачу теләген дәүләт акчасына һәм грантлар отып чынга ашырырга өметләнәбез, – диде төбәкара вәкиллек җитәкчесе Ольга Павлова.