Хәвеф-хәтәр

Чаллыда әбисе белән юл аша кызыл утка чыгып баручы кызны автомобиль бәрдергән

Шаһитлар сүзенә караганда, кызны машина астыннан тартып диярлек чыгарганнар.
11.02 17:31

(Чаллы, 11 февраль, “Татар-информ”, Эльвира Мөхәмәтдинова). Чаллыда җиңел автомобиль йөртүче әбисе белән светофорның кызыл утына юл аркылы чыгып баручы кызны бәрдергән. Бу хакта социаль челтәрләрдән файдаланучылар хәбәр итә.

Шаһитлар юл-транспорт һәлакәте 10 февраль көнне Мәскәү һәм Автозавод проспектлары чатында төшкә кадәр булганлыгын җиткерә. Беренчел мәгълүматлар буенча, автомобиль светофорның рөхсәт ителгән төсендә борылышка барганда, җәяүлеләр өчен рөхсәт ителмәгән кызыл төс янганда, әби оныгы белән юл аркылы чыгарга юнәлгән.

Юл-транспорт һәлакәте нәтиҗәсендә кыз бала зыян күргән. Шаһитлар сүзенә караганда, аны машина астыннан тартып диярлек чыгарганнар. Урынга килгән ашыгыч ярдәм машинасы кызны хастаханәгә алып киткән. Әлегә кыз баланың хәле турында мәгълүмат юк.
 

КӨН ҮЗӘГЕНДӘ

15 октябрьнең төп вакыйгалары - фото һәм сылтамалар

Роспотребнадзор прививкалардан баш тартмаска өнди, Данил Салиховка "Фидакарь хезмәте өчен" медале тапшырылды, хаҗ кылу өчен юллама бәяләре билгеле.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.