Спорт

Кайбычта "Россиянең чаңгы юллары" массакүләм чаңгыда шуу көне узды

Әлеге спорт бәйрәмендә мең ярымнан артык кеше катнашты.
11.02 22:00

(Кайбыч районы, 11 февраль, , "Татар-⁠информ", "Кайбыч таңнары", Луиза Сөнгатуллина). Олы Кайбычның "Сабантуй" ял паркына килеп җитүгә үк бәйрәм атмосферасы хөкем сөрә иде: музыка яңгырый, пешекчеләр ярышта катнашучыларга елдагыча зур казанда карабодай боткасы пешерә, чәй кайный. Кайбычта "Россиянең чаңгы юллары" массакүләм чаңгыда шуу көне узды. Әлеге спорт бәйрәмендә мең ярымнан артык кеше катнашты, ул районның барлык авыл җирлекләрендә дә узды, дип яза җирле басма.

Иртәнге сәгатьләрдә 20 градустан да салкынрак булса да, көндезгә таба җылытты, кояш та нурларын мул сипте, җил дә юк. Ярышка килүчеләр арасында район Советы, башкарма комитет, оешма-предприятиеләр хезмәткәрләре, авыл җирлекләре башлыклары, барлык авылларның да мәктәп директорлары, пенсия яшендәгеләр, мәктәп укучылары да бар иде. Барысының да кулларында чаңгы, йөзләре алсуланган, кәефләре күтәренке, бер-берсен бүгенге спорт бәйрәме белән котлашалар.

Старт бирелер алдыннан район башлыгы Альберт Рәхмәтуллин спортчыларга уңышлар теләде, аларны спорт белән дус булырга өндәде. "Россиянең чаңгы юллары" бәйгесе Кайбычта елдан-ел популярлаша, һәрвакыт шулай оешкан төстә, бәйрәмчә уза, ул инде буыннарны берләштерә", диде ул.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.