Фән һәм мәгариф

Ютазы районы Бәйрәкә авылы балалар бакчасында ремонт эшләре башланды

Балалар бакчасы җәй башында үз нәниләрен кабаттан кабул итәр дип фаразлана.
12.02 06:00

(Ютазы, 12 февраль, "Татар-информ", "Ютазы таңы"). Ютазы районы Бәйрәкә авылы балалар бакчасында ремонт эшләре башланды. 1968 елда ук файдалануга тапшырылган балалар бакчасында моңа кадәр өлешчә яисә косметик ремонт белән генә чикләнелгән. Быел, ниһаять, республика программасы буенча ул капиталь ремонтка ябылды, дип яза җирле басма.

Биредә берьюлы берничә бригада эшли: берсе - фасадны ясый, икенчесе – стеналарны тигезли, өченчесе – электр линиясен алмаштыра, канализация ясала... Бакча мөдире Гөлназ Фәхриева әйтүенә караганда, ут үткәргечләрне сузганда, электрчылар хәтта розетка таләп иткән урыннарны да аның белән килештергәннәр.

Ремонт эшләре сметасына ярашлы, мәктәпкәчә тәрбия бирү учреждениесендә идән һәм түшәмнәр ясалачак, ишек һәм тәрәзәләр алмаштырылачак, чарлактан түшәм җылытылачак. Инфраструктура уңайлыклара да өр-яңадан ясалып, уңайлы раковиналар, унитазлар урнаштырылып, матур төскә кергән балалар бакчасы җәй башында үз нәниләрен кабаттан кабул итәр дип фаразлана. Ә бүген алар өчен авыл мәктәбендә мәйданчык бүлеп бирелгән.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.