Татар дөньясы

Гали авылы “Туган тел” татар җәмгыяте рәисе Расих Латыйпов вафатына бер ел тула

Мәрхүм Расих Латыйпов Самара өлкәсе Гали авылында беренче Бөтен­россия авыллар Сабан ­туе, “Халкым минем” фес­тивален оештыручыларның берсе иде.
12.02 09:03

(Казан, 12 февраль, "Татар-информ"). Гали авылы эшмәкәре, күп еллар җирле “Туган тел” татар җәмгыяте рәисе, Бөтендөнья татар конгрессы башкарма комитеты әгъзасы булган, Гали авылында үткәрелгән беренче Бөтен­россия авыллар Сабан ­туе, ат чабышлары, “Халкым минем” фес­тивале кебек матур чаралар үткәреп, халкы өчен хәләл малын һәм үзен кызганмаган Расих Латыйповның вафатына 6 мартта бер ел тула. Бу турыда Самара татарлары сайты хәбәр итә.

Унынчы “Хал­кым минем” иҗат фес­тивале мәрхүм Расих Латый­пов истәлегенә багышлана. Чара 17 февральдә, иртәнге сәгать унда Гали авы­лының Мә­дәният йортында үткә­ре­ләчәк. Фести­вальгә өлкә­­нең үзеш­чән сән­гать коллективлары чакырыла.

Расих Латыйпов истәлегенә хатирәләр җыентыгы да әзер­ләнгән. Тиздән ул Казанның «Ак бүре» китап нәшриятендә дөнья күрәчәк. Бу җыентыкта аның турында истәлекләр, үзе исән вакытта матбугат битләрендә дөнья күргән язмалар урын алган. Төзүчесе — Татарстанның атказанган мә­дәният хезмәткәре Гөлназ Шәй­хи. Бу китапны Гали авылында Расих Латыйпов истәлегенә багышлап уздырылачак «Халкым минем» иҗат фестивалендә катнашучыларга да бүләк итәчәкләр, дип хәбәр итә оештыру комитеты.

КӨН ҮЗӘГЕНДӘ

Рәмис Аймәтнең ноталы җыр китабы басылып чыкты

Басмага шагыйрьнең йөздән артык җыры кергән.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.

Минтимер Шәймиев Зөя утрау-шәһәрчегендә Агач археологиясе музеен карады

Минтимер Шәймиев Археология институты хезмәткәрләрен Россия археологларының рәсми булмаган һөнәри бәйрәмнәре белән котлады.

Камил хәзрәт Сәмигуллин Мәккәдә Татарстан хаҗилары белән очрашты

Мөфти вәгазь сөйләде һәм булачак хаҗилар сорауларына җавап бирде.