Җәмгыять

2017 елда ялган “больничный” кәгазе бирүнең 39 очрагы ачыкланган

“Яңа төр электрон белешмә тутыруда мондый җитешсезлекләр булмас”, - ди социаль иминиятләштерү фонды вәкиле.
12.02 14:42

(Казан, 12 февраль, “Татар-информ”, Чулпан Шакирова). Узган ел хезмәткә вакытлыча яраксызлык турындагы белешмәне ялган рәвештә алуның 39 очрагы ачыкланган. Бу хакта “Татар-информ” хәбәрчесенә ТР буенча социаль иминиятләштерү фондының хезмәткә вакытлыча яраксызлык, йөклелек һәм бала табу очракларын иминиятләштерү бүлеге башлыгы Аида Волкова хәбәр итте.

“2017 елда 39 ялган “больничный” кәгазе бирү очрагы ачыкланды. Алар хокук саклау органнарына тапшырылып, җинаять эшләре кузгатылды. Хезмәткә вакытлыча яраксызлыкның электрон белешмәсен тутыруда мондый җитешсезлекләр булмас. Бүгенге көнгә бирелгән 3500 электрон “больничный” белешмәсе арасында ялганнары очрамады, – диде Аида Волкова.

Выдача электронного больничного листа

Социаль иминиятләштерү фондының  бүлек башлыгы яңа төр “больничный” ялган документлар ясарга юл куймас, дип ышандыра.

“Электрон “больничный” пациентның хастаханәгә үзе килеп мөрәҗәгать итүе, табиб тикшерүе һәм экспертиза ясалганнан соң  гына ачыла. Сәламәтләнгәч тә, “больничный”ны табиб пациентның хәлен тикшергәннән соң гына яба ала. Яңа төр документ алганда, пациентка имза куярга кирәкми, бары тик персональ мәгълүматны эшкәртүгә ризалык кына бирәсе”, – ди Аида Волкова.

Исегезгә төшерәбез, 2017 елның 1 июленнән Россиядә “больничный” белешмәсен электрон формада бирә башладылар. Бүген республиканың 30 клиника һәм хастаханәсе эшкә вакытлыча яраксызлык турындагы белешмәне электрон рәвештә бирә. Нигездә, болар - шәхси медицина оешмалары. Дәүләт медицина учреждениеләре яңа форма белән эшләүгә 1 апрельдән керешәчәк.

 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.