Татар дөньясы

Васил Шәйхразиев эшлекле сәфәр белән Новосибирск шәһәрендә

Милли Шура рәисе төбәк татар милли-мәдәни автономиясендә Новосибирск өлкәсе татар иҗтимагый оешмалары җитәкчеләре һәм активы белән очрашты.
12.02 17:06

(Казан, 12 февраль, "Татар-информ"). Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев җитәкчелегендәге Татарстан делегациясе эш сәфәре белән Новосибирск шәһәренә килде. Бу турыда Бөтендөнья татар конгресы матбугат хезмәте хәбәр итә.

Беренче итеп, Милли Шура рәисе төбәк татар милли-мәдәни автономиясендә Новосибирск өлкәсе татар иҗтимагый оешмалары җитәкчеләре һәм активы белән очрашкан. Татарстан кунакларын бик җылы – “Себер гимны” һәм чәк-чәк белән каршы алганнар.

"Аралашу һәрбер кешенең үз-үзе белән таныштыруыннан башланды. Васил Шәйхразиев үз чиратында Конгрессның яңа структурасы турында сөйләде, башкарылган эшләргә һәм куелган максатларга тукталды. Төбәкнең татар иҗтимагый оешмалары эшчәнлеген камилләштерү турында үз фикерләрен җиткерде. Аннары Милли Шура рәисе татар иҗтимагый оешмалары вәкилләренең сорауларына җавап бирде", дип язылган әлеге хәбәрдә.

Совет әгъзалары бик күп сорауларны кутәргән: "Чад татарлары шәһәрчеген (ул Новосибирск шәһәренең нигезен тәшкил итә) торгызу, шуңа бәйле рәвештә Чад татарларының музеен булдыру, Чад татарларының Йорт-Ора авылын торгызу мәсьәләсе, китапханәләрне татар телендәге һәм тарих китаплары белән тәэмин итү һ.б мәсьәләләр. Төп мәсьәләләрнең берсе Новосибирск өлкәсе Татар милли-мәдәни мохтарияте бинасы проблемасын хәл итү. Бүгенге көндә автономиянең офисы подвалда урнашкан".

Бүген шулай ук Васил Шәйхразиев Новосибирск өлкәсе татар мәдәни үзәге белән танышачак. Шулай ук бүгенге программада Новосибирск өлкәсе губернаторы Андрей Травников белән аралашу да бар.

Иртәгә Бөтендөнья татар конгрессы Милли Шура рәисе Новосибирск шәһәре мэрының беренче урынбасары Геннадий Захаров белән очрашачак. Шулай ук эш сәфәре программасында Новосибирскның “Ихлас” тарихи мәчетендә булу һәм Себер федераль округының татар иҗтимагый оешмалары җитәкчеләре белән күрешеп сөйләшү да булачак. 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына