Җәмгыять, Авыл

Арчада балаларның агулануын ата-аналарына кизү дип аңлатканнар

Бүген авылда балалары авыртып хастаханәгә озатылган гаиләләрдә дезинфекция чаралары үткәрелгән, мәктәптә карантин.
12.02 17:46

(Арча, 12 февраль, "Татар-информ", Гөлнар Гарифуллина). Бүген Арча районы Казанбаш авылы Мәдәният йорты бинасында, балаларның күпләп агулану очрагы буенча ата-аналар өчен җыелыш узган. Бу хакта "Татар-информ" агентлыгы хәбәрчесенә Казанбаш халкы сөйләде. 

Җыелышта район мәгариф бүлеге мөдире, Казанбаш төп урта мәктәбе директоры, табиблар катнашкан. Ата-аналарга балаларның берьюлы күпләп авыртуын кизү дип аңлатканнар. Гаилә әгъзаларына сәламәтлекләренә игътибарлы булырга, косу, эч китү, температура күтәрелү билгеләре булса, кичекмәстән табибка мөрәҗәгать итәргә кушылган. Бүген авылда балалары авыртып хастаханәгә озатылган гаиләләргә кереп, дезинфекция чаралары үткәрелгән. Мәктәпкә килгәндә, бүген ул ябык. Ишегенә карантин дип язылган.
 
"Татар-информ" агентлыгы хәбәрчеләре зыян күргән гаиләләр белән сөйләште. Бу хакта тулырак "Интертат" электрон газетасында укый аласыз.
 
Искәртеп үтик, 10-11 февраль көннәрендә авылдан 39 бала һәм ике олы кешене Арча районы Кенәр авылы хастаханәсенә һәм Казанга Республика йогышлы авырулар клиник хастаханәсенә озатканнар.
 
"Татар-информ" Арча районында мәктәп ашханәсе хезмәткәрләре 30дан артык укучыга норовирус йоктырган, дип хәбәр иткән иде.

КӨН ҮЗӘГЕНДӘ

Разил Вәлиев туган телләрне ирекле өйрәнү турында закон проектын хупламаска тәкъдим итте

Татарстан Дәүләт Советына “Россия Федерациясе Мәгариф турындагы законга үзгәрешләр кертү турында” закон проекты килеп иреште.

Татарстан Премьер-министры Казанда ITSF XII Бөтенроссия форумын ачты

Казанның «Корстон» комплексында мәгълүмати куркынычсызлык өлкәсендәге актуаль мәсьәләләр хакында фикер алышачаклар.

Калмык халкына туган телне оныту куркынычы янамый – калмык журналисты

Менке Конеев фикеренчә, калмыклар туган телләрен өйрәнергә тиешләр һәм алар өйрәнәчәкләр дә.

Уфада композитор Алик Локмановның иҗат кичәсе узачак

Татарстанның атказанган сәнгать эшлеклесенең иҗатына багышланган программа “Җырларга күчкән җаным” дип атала.

Оренбургта "Татар кызы" бәйгесендә катнашучылардан гаризалар кабул итү тәмамлана

Җиңүче көз айларында Казанда узачак Халыкара бәйгедә үзе яшәгән төбәк исеменнән чыгыш ясаячак.