Спорт

Казанда майда футбол буенча Дөнья чемпионаты тест матчы узачак

Төбәк оештыру комитеты “Рубин” командасы матчларының берсендә барлык система һәм хезмәтләрнең эшен тикшерәчәк.
12.02 19:20

(Казан, 12 февраль, “Татар-информ”, Алексей Анисимов). Казанда май аенда футбол буенча Дөнья чемпионаты тест матчы уза. Ул Россия футбол премьер-лигасының “Рубин” катнашындагы уены булачак. Бу хакта Татарстан Яшьләр эшләре һәм спорт министры Владимир Леонов җиткерде.

Казан клубының бу матчтагы көндәше әлегә билгесез.

“Май аенда дөнья чемпионаты буенча тест матчы уздырырга планлаштырдык. Ул Россия футбол премьер-лигасының “Рубин” катнашындагы уены булачак. Конфедерацияләр Кубогы аналогиясе буенча, әлеге матчны уздырганда без Fan-ID системаларын һәм башка хезмәтләрне дә эшләтәбез. Пәнҗешәмбе (15 февральдә –Т-и иск.) бу уңайдан зур киңәшмә була. Шул вакытта вакытын һәм көндәш команданы ачыклаячакбыз”, - дип белдерде министр.

Россиядә Футбол буенча дөнья чемпионаты 14 июньнән 15 июльгә кадәр узачак. Казан алты турнир матчын кабул итә: "Kazan-Arena" стадионында Франция – Австралия, Испания – Иран, Польша – Колумбия һәм Германия – Көньяк Корея төркем этабы матчлары узачак. Шулай ук Татарстан башкаласында финалның сигездән бере һәм финалның дүрттән бере матчлары узачак.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.