Спорт

Олимпиадада көмеш медаль яулаган Тарасовага Татарстан 2,5 млн акча түли

Фигуралы шуучылар Евгения Тарасова һәм Владимир Морозов пары Пхенчханда көмеш медаль яулады.
12.02 20:38

(Казан, 12 февраль, “Татар-информ”, Алексей Анисимов). Татарстаннан фигуралы шуучы Евгения Тарасовага Олимпиадада көмеш медаль яулаган өчен 2,5 млн сум бирәчәкләр. Спортчыларга югары казанышлар өчен тиешле премия акчасы күләме Татарстан Министрлар Кабинетының “Татарстан Республикасы спортчыларына һәм тренерларга дәүләт ярдәме турында”гы карарда билгеләнгән.

Документта әйтелгәнчә, Олимпиада, Паралимпиада, Сурдлимпиада уеннары җиңүчеләре өчен бүләкләү күләме 4 млн сум тәшкил итә. Икенче урын алучыларга - 2,5 млн сум, өченче урындагыларга 1,7 млн сум бирәчәкләр.

Евгения Тарасова Владимир Морозов белән Пхенчханда фигуралы шуучыларның команда турнирында Олимпиада уеннарының көмеш призеры булды.

"Татар-информ" Татарстан кызы Олимпиадада көмеш медаль яулады, дип хәбәр иткән иде.
 

КӨН ҮЗӘГЕНДӘ

25 майның төп вакыйгалары - фото һәм сылтамалар

Петербург форумы куелган бурычларны үтәде, туган телләрне укыту турындагы закон проекты буенча аңлашу бар, Казан Чемпионатка әзерләнә.

КФУның “Мизгел” яшьләр театры актерларга кастинг игълан итә

Кастинг Филология һәм мәдәниятара багланышлар институты бинасында узачак.

Т.Миңнуллина: Петербург халыкара икътисадый форумында "биш"кә эшләдек

Форумның иң мөһим нәтиҗәләренең берсе – ”КАМАЗ” белән 46,5 млрд сумлык килешү һәм Түбән Камада яңа олефин комплексын финанслау.

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.