Авыл

Яңа Чишмәдә Илшат Усманов үз хуҗалыгында 18 баш эре мөгезле терлек асрый

«Күпләр кебек, без дә эшне бер баш сыердан башладык», - дип сөйли Илшат.
12.02 21:54

(Казан, 12 февраль, «Татар-информ»). Татарстан Республикасы Яңа Чишмә муниципаль районының Чаллы Башы авылыннан Илшат Усманов үз хуҗалыгында 18 баш эре мөгезле терлек асрый. Шул исәптән 13 баш - савым сыеры. Бу турыда Татарстан Азык-төлек һәм авыл хуҗалыгы министрлыгы матбугат хезмәте хәбәр итә.

«Күпләр кебек, без дә эшне бер баш сыердан башладык, – дип сөйләгән Илшат. – Берничә ел элек район хакимиятеннән саву аппараты тапшырганнар иде. Бу миңа да, хатыным Алсуга да дәрт өстәп җибәрде, без шулай хуҗалыкны зурайтырга булдык».

2017 елда авыл халкының эшлекле активлыгын арттыру мәсьәләләре буенча зона семинар-киңәшмәләре кысаларында узган республика конкурсында Илшат Усманов «Иң яхшы ярдәмче хуҗалык» номинациясендә җиңүче булган. «Бу безнең өчен көтелмәгән шатлык булды, – дигән Илшат Усманов. – Ул чакта безнең сыерыбыз терелмәслек булып авырып китте, аның белән аерылу бик кызганыч булды, әлбәттә. Аннары үзебездән акчалар өстәп, тагын тана сатып алдык һәм терлекләрнең баш санын шулай саклап кала алдык».

Хәбәрдә әйтелгәнчә, хуҗалыкта терлек азыгын алар үзләре әзерли. «Безнең 50 гектар җиребез бар. Аның 15 гектарында күпьеллык үләннәр үстерәбез, калганында бөртекле культуралар чәчәбез. Кирәкле барлык техникабыз бар. Былтыр уңыш та бик яхшы булды, азыкны да мулдан әзерләдек, – дигән Илшат Усманов. – Мин бик нык ышанам: иртәгә бүгенгедән яхшырак булачак. Минемчә, авыл җирендә дә тормыш шәһәрнекеннән ким түгел, монда үсү өчен дә, керем алу өчен дә мөмкинлекләр җитәрлек». 

КӨН ҮЗӘГЕНДӘ

“Татарча диктант”ны "Татар-информ" сайты аша онлайн язып булачак

Диктант текстын танылган шагыйрә, Татарстанның атказанган сәнгать эшлеклесе Сания Әхмәтҗанова укыячак.

Рөстәм Миңнеханов Татарстанның Финляндия бизнесы һәм капиталы белән кызыксынуын әйтте

Россия һәм Финляндиянең уңышлы компанияләре вәкилләре "Корстон"да үз предприятиеләре потенциалын күрсәтә.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

“Татар-информ”да гошер сәдакасын җыю һәм тарату йомгаклары турында сөйләшәчәкләр

Матбугат конференциясендә Татарстанның баш казые Җәлил хәзрәт Фазлыев катнаша.