Рәсми Татарстан

Президент Алинә Заһитованы Олимпиадада көмеш медаль яулавы белән котлады

Рөстәм Миңнеханов татарстанлылар һәм шәхсән үз исеменнән спортчыга яңа җиңүләр теләп калды.
13.02 12:11

(Казан, 13 февраль, «Татар-информ»). Татарстан Президенты Рөстәм Миңнеханов фигуралы шуучы Алинә Заһитованы Пхенчхандагы кышкы Олимпия уеннарында фигуралы шуучыларның командалы ярышларында көмеш медаль яулавы белән котлады.

Республика лидеры котлау телеграммасын шулай ук спортчының остазына – фигуралы шуу буенча Россиянең атказанган тренеры Этери Тутберидзега да юллады, дип хәбәр итә Татарстан Президентының матбугат хезмәте.

«Хөрмәтле Этери Георгиевна, кадерле Алинә! Сезне Пхенчхандагы XXIII кышкы Олимпия уеннарында команда турнирында Алинә Заһитованың искиткеч чыгышы белән тәбрик итәм. Алинәнең нәсел тамырлары Татарстаннан икәнлеген, фигуралы шуу спорты белән Әлмәт шәһәрендә шөгыльләнә башлавын белгәч бик куандым. Татарстанлылар һәм шәхсән үз исеменнән спортчыга яңа җиңүләр, уңышлар телим», - дип искәртте Татарстан лидеры.

Кичә 15 яшьлек Алинә Заһитова ирекле программада 158,08 балл (үз карьерасындагы иң яхшы нәтиҗә) җыеп, беренче урынны яулады. Нәкъ менә аның чыгышы Россия командасына көмеш медаль китерде.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.