Дин

Болгар ислам академиясенең яңа оештыручысы турындагы мәсьәлә мартта хәл ителәчәк

Төньяк Кавказ мөселманнары Координация советы Болгар ислам академиясенең бишенче оештыручысы булырга мөмкин.
13.02 13:33

(Казан, 13 февраль, «Татар-информ», Рөстәм Килсинбаев). Төньяк Кавказ мөселманнары Координация советын Болгар ислам академиясен гамәлгә куючылар составына кертү турындагы мәсьәлә март аенда хәл ителергә тиеш. Дини уку йорты ректоры Рәфыйк Мөхәммәтшин «Татар-информ» агентлыгына шул хакта хәбәр итте.

Россия Президентының Россия мөфтиләре һәм Болгар ислам академиясе җитәкчелеге белән гыйнвар ахырында Казанда узган очрашуында Төньяк Кавказ мөселманнары Координация советы рәисе Исмаил Бердиев оешманы дини уку йортын оештыручылар составына кертергә тәкъдим иткән иде.

Бүген академияне гамәлгә куючылар составына Россия Федерациясе мөселманнары Диния нәзарәте (Мәскәү), Үзәк Диния нәзарәте (Уфа), Рәфыйк Мөхәммәтшин рәислегендәге Ислам мәгарифе буенча совет һәм Татарстан мөселманнары Диния нәзарәте (Казан) керә. 

КӨН ҮЗӘГЕНДӘ

"Мирас" фестивале Яруллиннар династиясен искә ала

Фестивальнең икенче концертында Заһидулла, Фәрит һәм Мирсәет Яруллиннар әсәрләре яңгырый.

Питрәчтә Кәримовлар хуҗалыгында 14 баш эре мөгезле терлек бар

"Сыерларның барысын да сауганда, һәр көнне 200 литр сөт алабыз", - дип сөйләгән хуҗабикә.

Мәскәү салкыннары Татарстанга килә

23-28 февральдә Россия башкаласында уртача температура нормадан 7-12 градуска кимрәк булачак.

"Белем җәүһәрләре" бәйгесенә гаризалар кабул итү башланды

Дөньякүләм бәйгегә "ВКонтакте социаль челтәре җәүһәрләре" дигән яңа номинация өстәлгән.

Казанбаш мәктәбе укучылары агулану буенча тикшерү төгәлләнгән

Арча районында гаеплеләр җәзага тартылган.