Җәмгыять

Татарстанда «Мең дә бер ләззәт» туристлар маршруты булырга мөмкин

Яңа маршрут кысаларында республика кунаклары велорикшаларда сәяхәт итә алачак.
13.02 14:03

(Казан, 13 февраль, «Татар-информ»). Футбол буенча дөнья чемпионаты алдыннан, 2018 елның маенда, Татарстанда «Мең дә бер ләззәт» дигән яңа туристлык маршруты булдырырга планлаштыралар. Яңа маршрут кысаларында республика кунаклары велорикшаларда сәяхәт итә алачак. Татарстан Туризм буенча дәүләт комитеты рәисе урынбасары Артур Әбдрәшитов журналистларга шул хакта сөйләде, дип хәбәр итә ТАСС агентлыгы.

«2018 елда без яңа маршрут тәкъдим итәргә ниятлибез. Visit Tatarstan рәсми бренды концепциясенә туры килгән әлеге маршрут «Мең дә бер ләззәт» дип аталачак. Май аенда әлеге маршрут буйлап сәяхәт итәргә теләгән тәүге туристлар бар инде», - диде Әбдрәшитов.

Аның сүзләренчә, туристларны экскурсоводлар гына озата бармый. Маршрутның билгеле бер урыннарында аларны татар халкы тарихы, милли күркәмлеге һәм гореф-гадәтләре турында сөйләүче билгеле бер герой каршы алачак.

Россиядә футбол буенча Россия чемпионаты 2018 елның 14 июненнән 15 июльгә кадәр уза. 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.