Авыл

Марат Әхмәтов авылда терлек асраучы кешегә ярдәм күрсәтергә әзер булуын әйтте

“Яшәү чыганагы кирәк икән, авылда иң җайлы ысул – мал тоту”, - диде ул.
13.02 12:23

(Казан, 13 февраль, “Татар-информ”, Чулпан Шакирова). Татарстанның авыл хуҗалыгы министры Марат Әхмәтов авылда терлек асрау – шөгыль ягыннан да, керем ягыннан да беренче урында дип саный. Бу хакта ул бүген Министрлар Кабинетында узган брифингта әйтте.

“Авылда эш юк, дигән сүзгә мин күңелем белән риза түгел. Авылда терлек асрап, яшәп була, әлегә. Дөрес, ул бик гади, бәлки соры хезмәттер. Ниндидер романтикасы да юктыр, тирән канәгатьләнү дә бирмидер, бәлки. Әмма сиңа яшәү өчен чыганак кирәк икән, керем булдыру өчен, шөгыль ягыннан караганда, иң җайлы ысул – мал тоту. Мөмкин авылда төзелеш материаллары җитештерү белән шөгыльләнергә дә, төрле хезмәт күрсәтү өлкәсендә дә, сәнәгать материаллары җитештерү белән дә эшләргә була”, – диде министр.

Марат Әхмәтов авыл хуҗалыгы министры буларак, авыл кешесенә күрсәтә торган ярдәмнәрне дә кабатлап узды.

“Без фермерлык хәрәкәтен башлап җибәрү, гаилә фермалары программасы, микрофермалар программасы бар дип әйттек. Инде терлек алам дисең икән, ул терлегеңә тоткан чыгымнарга субсидия бирелә. Бу - терлеккә хезмәт күрсәтә торган чыгымнарны каплау өчен ярдәм итү. Шушы максатта әз генә киңәергә теләгән хуҗалык бар икән, җитәкләп шушы ярдәмне күрсәтәбез. Аңа беренчел башлангыч капитал белән булышырга без әзер”, – диде Марат Әхмәтов.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.