Сәясәт

Быел Татарстан Дәүләт Советының беренче утырышы 20 февральдә узачак

Бу көнне депутатлар 36 мәсьәлә, шул исәптән 15 закон проектын караячак.
13.02 13:04

(Казан, 13 февраль, «Татар-информ», Алия Җамалиева). Татарстан Дәүләт Советының 2018 елдагы беренче утырышы 20 февральдә узачак. Бүген Татарстан Дәүләт Советы Рәисе Фәрит Мөхәммәтшин үткәргән президиум утырышында республика парламенты утырышы үтәчәк көнне билгеләделәр.

Республика Дәүләт Советы сәркатибе Лилия Маврина хәбәр иткәнчә, бу көнне депутатлар 36 мәсьәлә, шул исәптән 15 закон проектын караячак.

Бишенче чакырылыш Дәүләт Советының 35нче утырышы кысаларында өченче укылышта «Казылма байлыклар турында»гы Татарстан Республикасы Законына үзгәрешләр кертү хакында», беренче укылышта «Татарстан Республикасы бюджетына федераль казнадан бюджет кредитлары бирү турындагы килешүләргә өстәмә килешүләрне раслау хакында»гы Татарстан Республикасы закон проектлары каралачак.

Моннан тыш, парламентарийлар Татарстан Республикасында җирле үзидарә турындагы, Татарстан дәүләт хакимияте башкарма органнары хакындагы законнарга, республиканың Бюджет һәм Гаилә кодексларына үзгәрешләр кертү һәм башка мәсьәләләр хакында фикер алышачак.

Утырышта депутатлар Татарстан Республикасы буенча эчке эшләр министрының хисабын, Татарстанда кеше хокуклары буенча вәкаләтле вәкилнең «Татарстан Республикасында кеше һәм гражданинның хокукларын һәм иреген яклау турында»гы докладын, бизнес-омбудсменның 2017 елда башкарган эшчәнлеге нәтиҗәләре хакындагы докладын, Татарстан Дәүләт Советының Закон чыгару һәм хокук куллану практикасы комиссиясенең 2017 елдагы эшчәнлеге турында мәгълүмат тыңлаячак. 

КӨН ҮЗӘГЕНДӘ

Разил Вәлиев: Мәгариф турындагы законга яңадан кайтырга кирәк

Татарстан депутаты Владимир Путинның Россия халыклары милли телләрен яңадан торгызу инициативасын шатланып кабул итте.

Сораштырылган эшмәкәрләрнең яртысы быел бизнес алып бару өчен шартлар начарайганын әйткән

Тимур Нагуманов эшлеклелек активлыгы кимүенә карата борчылуын белдерде.

Путин Россия халыкларының милли телләрен саклау программасын торгызу ихтыяҗы булуын әйтте

СССР заманында дәүләттә милли телләрне саклау буенча махсус программа бар иде, дип искә төшергән ул.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.