Татар дөньясы

Иртәгә Мәскәүдә Мөхәммәт Миначев белән хушлашалар

Күренекле татар җәмәгать эшлеклесе Мөхәммәт Миначевны туган ягында Түбән Новгород өлкәсендәге Ендовищи авылында җирләячәкләр.
13.02 15:15

(Казан, 13 февраль, "Татар-информ"). Иртәгә көндезге 11 сәгатьтә Мәскәүдә Отрадный бистәсендәге "Ярдәм" мәчетендә күренкеле татар җәмәгать эшлеклесе Мөхәммәт Миначев белән хушлашу була. Бу турыда "Татар-информ"га Татарстан Республикасының Россия Федерациясендәге вәкиллеге матбугат хезмәте хәбәр итте.

Мөхәммәт Миначевны туган ягында Түбән Новгород өлкәсе Ендовищи авылында җирлиләр.

Башкалада Бөек Ватан сугышыннан соң беренче Сабан туен (1987 ел) оештырган җәмәгать эшлеклесе Мөхәммәт Миначев 11 февральдә инсульттан вафат булды. Ул 1970 нче еллардан башлап Мәскәү татарлары арасында мәгърифәтчелек эшчәнлеге алып барган, совет заманнарында ук Мәскәүдә татар язучылары белән очрашулар оештырган олы шәхес.

Белешмә: Мөхәммәт Миначев 1938 елда Түбән Новогород өлкәсе Кызыл Октябрь районы Ендовище авылында туган. Мәскәү каласында озак еллардан бирле татар милли тормышында актив катнаша. Татар милләтенең күренекле шагыйрь, язучыларына багышланган чаралар оештыра. 1988 елда "Туган тел" татар мәдәниятен яратучылар оешмасына нигез сала. Милләткә кагылышлы хезмәтләре белән дан тота.
 

КӨН ҮЗӘГЕНДӘ

Тел, әдәбият һәм сәнгать институты тарафыннан 2017 елда 69 китап әзерләп чыгарылган

2017 ел - бер яктан, үзебезнең уңышлар, икенче яктан, республикада академик фәнгә мөнәсәбәтнең уңай булуы, ди институт директоры.

22 февральнең төп вакыйгалары - фото һәм сылтамалар

Республикада Ватанны саклаучылар көне билгеләп үтелде, туган тел мәсьәләсе көн үзгендә, Рәфикъ Юныс «Фидакарь хезмәт өчен» медале белән бүләкләнде.

#атнабай флешмобына Динар Хөснетдинов кушылды

Ул Әнгам Атнабаевның "Мәсьәлә" шигырен укый.

"Татар-информ" журналисты россиякүләм бәйгедә лауреат исеменә лаек булды

Конкурсның максаты - яшь журналистларны халыкара глобаль дәрәҗәдәге проблемаларга җəлеп итү.

Мөселман психологлары ассоциациясе: Эшебездә иң мөһиме - психологик ярдәм күрсәтү

“Психологик ярдәм үзәге” ачу теләген дәүләт акчасына һәм грантлар отып чынга ашырырга өметләнәбез, – диде төбәкара вәкиллек җитәкчесе Ольга Павлова.