Икътисад

Рөстәм Миңнеханов Чистай районы башлыгын Айрат Хәйруллиннан үрнәк алырга чакырды

Республика лидеры Яшелчә үзәнлеге һәм Җиләк үзәнлеге кебек проектлар гамәлгә ашырыла торган Әлмәт районын мисал итеп китерде.
13.02 15:39

(Чистай, 13 февраль, «Татар-информ», Диана Авакян). Татарстан Президенты Рөстәм Миңнеханов Чистай районы хакимиятен авыл хуҗалыгы өлкәсендә җитештерү күләмен арттырырга чакырды. Чистай район Советының 2017 елга нәтиҗәләр ясау һәм 2018 елга бурычлар билгеләүгә багышланган утырышында ул шул хакта белдерде.

«Сөтне генә алыйк. Сез көненә 62 тонна сөт җитештерәсез, әлеге җәһәттән район республикада 22нче урынны били. Бу гына җитәрлек түгел. Әлмәт һәм Бөгелмәдә нефтьчеләр булуын аңлыйм. Сезнең биредә туфрак та, география дә, кешеләр дә – барысы да бар. Кукмараны гына алып карасак та, алар сөтне сездән дүрт мәртәбә күбрәк җитештерә. Анда бернинди инвесторлар да килмәде, район халкы шундый нәтиҗәләргә ирешә. Үзебезнекеләргә ярдәм күрсәтергә кирәк»,- диде Рөстәм Миңнеханов.

Республика лидеры Яшелчә үзәнлеге һәм Җиләк үзәнлеге кебек проектлар гамәлгә ашырыла торган Әлмәт районын мисал итеп китерде. «Чистай шәһәренең бәрәңгегә булган еллык ихтыяҗы 5,7 мең тонна тәшкил итә, ә сез 0,8 мең тонна гына җыеп аласыз. Хәтта яшелчәне дә үзегезгә җитәрлек итеп үстерә алмыйсыз»,- дип искәртте Татарстан Президенты.

«2018 елның 1 гыйнварына авыл хуҗалыгы предприятиеләрендә 16 мең 562 баш мөгезле эре терлек исәпләнгән. Сөтнең тулаем савымы 28 мең тонна тәшкил иткән. Бер сыердан уртача 50,1 мең тонна сөт савып алынган. Бу күрсәткеч мине канәгатьләндерми. Быел үз алдыбызга бер сыердан 5 мең 200 килограмм сөт савып алу бурычын куябыз»,- дип белдерде үз чыгышында Чистай районы башлыгы Дмитрий Иванов. 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.