Авыл

Татарстанда фермер хуҗалыкларына ярдәм быел да кимеми

Бу максаттан 2 млрд сум акча бүлеп бирелгән.
13.02 15:31

(Казан, 13 февраль, “Татар-информ”, Чулпан Шакирова). Татарстанда фермер хуҗалыкларына булган ярдәм быел да кимеми. Узган ел бу максаттан 2 млрд сум акча бүленгән. Быел да әлеге сумма үзгәрешсез калачак. Бу хакта Татарстанның авыл хуҗалыгы министры Марат Әхмәтов Министрлар Кабинетында узган брифингта әйтте.

“Фермер хуҗалыкларына ярдәм йөзеннән, бюджеттан быел да 2 млрд сум акча бүлеп бирдек. Әгәр теге яки бу субъекттан берникадәр сумма артып калуын белсәк, без моны үз максатларыбызга җәлеп итәргә тырышачакбыз”,– диде Марат Әхмәтов.

Республикада 2016 елдан башлап, “Татарстан республикасы территориясендә шәхси хуҗалыклар үсешенә дәүләт ярдәме турында” канун эшләп килә. Аның бер юнәлеше булып, сөтчелек мини-фермаларын төзүгә ярдәм кулы сузу тора. Марат Әхмәтов сүзләренчә, 2015-2017 елларда 1301 мини-ферма төзелгән, аларга дәүләт тарафыннан 225 млн сум акча бүленгән.

Узган ел фермерларга грант итеп 525 млн сум, 7 юнәлеш буенча шәхси хуҗалыкларга 478 млн сум, кредитларга – 208 млн сум, үсемлекчелек буенча субсидия итеп – 200 млн сум, терлекчелек өлкәсенә – 180 млн сум, техника алуга 141,5 млн сум акча тотылган.

2017 елда хуҗалык итүнең кече формалары 130,5 млрд сумлык продукция җитештергән.

Бүген "Татар-информ" брифингта Марат Әхмәтов "Хезмәт хакын вакытында түләмәү - оешма җимерелүгә китерә", дип әйткәнне хәбәр иткән иде.

КӨН ҮЗӘГЕНДӘ

14 августның төп вакыйгалары - фото һәм сылтамалар

Татарстанда урып-җыюның экваторына якынлаштылар, республикада кош гриппы буенча карантин гамәлдән чыга.

Р.Миңнеханов Чүпрәледә җир белән эшләүгә аерым игътибар бирелүен әйтте

Чүпрәледә гектарыннан 25 центнер алып, 45,6 мең тонна ашлык суктырылган.

Татарстан Президенты Буа районында урып-җыю барышы белән танышты

Районда бөртекле һәм бөртекле-кузаклылар мәйданының яртысыннан артыгы суктырылган.

Нәҗибә Ихсановага Азнакайдан якташлары авыл күчтәнәчләре алып килде

Бүген Татарстанның халык артисткасы Нәҗибә Ихсанова белән күрешергә дип, Азнакайдан бер төркем якташлары Казанга килде.

Римма Ратникова фотограф Рамил Галине Татарстан фотожурналистикасының исеме дип атады

Экспозициядә 80нче еллар ахыры – 90нчы еллар башындагы вакыйгалар, танылган сәясәтчеләр һәм җәмәгать эшлеклеләренең фотолары урын алды.