Мәдәният, Татар дөньясы

Буа театры халыкара фестиваль үткәрә

Чарада Монголия, Швейцария, Финляндия, Казахстан, Молдавия, Украина, Белоруссия, Мәскәү, Санк-Петербургтан театр коллективлары катнашачак.
13.02 16:51

(Казан, 13 февраль, “Татар-информ”, Ләйлә Хәкимова). Май аенда Буада “Буа” халыкара театр фестивале үтәчәк. Фестивальдә Монголия, Швейцария, Финляндия, Казахстан, Молдавия, Украина, Беллоруссия, Мәскәү, Санк-Петербург, Мари Эл Республикасы театр коллективлары, курчак театрлары катнаша. Бу хакта “Татар-информ” хәбәрчесенә Буа дәүләт драма театры җитәкчесе Раил Садриев хәбәр итте.

“2016 елда Буа театры март ае дәвамында унтугыз театр коллективын чакырып, театр айлыгы уздырган иде. Быел, ниһаять, ун көн дәвамында “Буа” фестивален халыкара дәрәҗәдә уздырачакбыз. Ул Тәтеш, Кайбыч һәм Буа район үзәкләрендә үтәчәк. Жюри комиссиясенә Мәскәү критигы, драматург, педагог, “Алтын битлек” милли театраль премиясенең экспертлар советы әгъзасы Александр Вислов чакырылды. Әлеге чарада барлыгы 31 театр коллективы катнашыр, дип көтелә. Фестиваль кысаларында үзебезнең театрыбызның географиясен киңәйтеп, аны күтәрәсебез һәм танытасыбыз килә. Фестиваль Буаның йөзенә әйләнергә тиеш”,- Раил Садриев.

Халыкара фестивальгә Россиянең танылган кино һәм театр йолдызы Сергей Безруковның да килүе көтелә. Ул халык оркестры белән “Нәни принц” спектаклен куячак.

Фестивальнең репертуарында этник кыйссалар, чит ил классикасы, заманча драматургия урын ала. Барлык милли театрлар да үз телләрендә спектакль куя, рус теленә тәрҗемә дә булачак.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.

Боксчы Артур Сөбхәнкулов хәзер өйрәнмәсәк, оныкларыбыз татар телен онытачак, дип исәпли

Россия һәм Куба җыелма командалары арасында халыкара матчта җиңгән боксчы егет татар телен камил белмәвеннән ояла.