Җәмгыять

Балтач мәктәпләрендә элекке сыйныфташлар очраша

Балтач мәктәбе – элек-электән үзенең көчле укытучылары, укучыларына төпле, нигезле белем бирүе белән дан тоткан мәктәп.
13.02 22:00

(Балтач, 13 февраль, “Татар-информ”, “Хезмәт”, Гөлзидә Газизуллина). Балтач мәктәбен 10, 20, 30, 40 һәм 50 ел элек тәмамлаган укучылар үзләренең укытучылары, сыйныфташлары белән очрашты. Әлеге тантана бик күпләрне балачакка алып кайтты. Бу сыйныфташлар очрашуы гына түгел, ә тормыш тәҗрибәсе туплаган өлкәннәрнең, дәрәҗәле кунакларның яшь буынга үзләренең киңәшләрен бирүе дә, дип яза җирле басма.

Кунаклар белән тулы залда кичәне мәктәп директоры Гөлчәчәк Фидаил кызы Гыйләҗева ачып җибәрде. Ул хәзерге вакытта мәктәптә эшләгән укытучылар белән, мәктәпнең эшчәнлеге, район һәм республика күләмендә ирешелгән уңышлары белән таныштырды. Шулай ук чыгышында зур чара – мәктәпнең 90 еллык юбилеен билгеләп үтүе, мәктәп тарихын чагылдырган китап язылып килүе һәм юбилей уңаеннан мәктәп музее эшли башлавын ассызыклап үтте. 8в сыйныф укучылары тарафыннан башкарылган революцион җырлар, һәммә кешене пионер, комсомол булган чорларга алып кайтты, хатирәләрне яңартты.

Мәктәпне моннан 50 ел элек тәмамлаган Марат Зариповның: “Балтач мәктәбе гомер буе эшчәнлек нәтиҗәсе белән бер баш югары торды”, – дигән сүзләре, белем бирү йортын 40 ел элек тәмамлаган Равилә апа Гарипованың мәктәпкә, укытучылар коллективына җиткергән җылы рәхмәт сүзләре, арабыздан бакыйлыкка күчкән ветераннарга багышлап язылган шигырь юллары, 30 ел элек мәктәп тәмамлаган укучыларның мәктәп елларын чагылдырган видеопрезентация әзерләп килүе (10б классы), Азат Нигмәтҗановның (10а классы) искиткеч матур итеп башкарган “Эх, гомерем, нишләвең бу?” җыры, үзенең моңлы тавышы белән зур җиңүләр яулаган укучыларыбыз Алинә Рамазанова белән Илидә Җәләлиеваның җырлавы күпләрне сокландырды һәм әсир итте. Һәм башка күп кенә кунаклар укытучыларына җылы сүзләр әйтеп, үзләре укыган вакытта уздырылган чаралар турында сөйләп, үсеп килүче яңа буынга киңәшләрен бирделәр. Әлеге тәрбияви чара чын мәгънәсендә бәйрәм төсе алды.

Балтач мәктәбе – элек-электән үзенең көчле укытучылары, укучыларына төпле, нигезле белем бирүе белән дан тоткан мәктәп. Кичәдә шулай ук легендар шәхесебез Фәрзи Гыймадиевич, мәктәп тормышында якты эз калдырган Мәгъсүм Абдуллович, Ландыш Нурулловна, Сания Фатыховна, Сания Галимҗановна, Венера Абдулловна, Вәсилә Гобәевна, Ленура Габделхаковна, Уран Мостафович һәм башка бик күп исемнәр кат-кат искә алынды. Алар турында укучылары зур ихтирам, рәхмәт хисләре белән сөйләве, алар белән булган истәлекләрне яңартты.

КӨН ҮЗӘГЕНДӘ

22 февральнең төп вакыйгалары - фото һәм сылтамалар

Республикада Ватанны саклаучылар көне билгеләп үтелде, туган тел мәсьәләсе көн үзгендә, Рәфикъ Юныс «Фидакарь хезмәт өчен» медале белән бүләкләнде.

#атнабай флешмобына Динар Хөснетдинов кушылды

Ул Әнгам Атнабаевның "Мәсьәлә" шигырен укый.

"Татар-информ" журналисты россиякүләм бәйгедә лауреат исеменә лаек булды

Конкурсның максаты - яшь журналистларны халыкара глобаль дәрәҗәдәге проблемаларга җəлеп итү.

Мөселман психологлары ассоциациясе: Эшебездә иң мөһиме - психологик ярдәм күрсәтү

“Психологик ярдәм үзәге” ачу теләген дәүләт акчасына һәм грантлар отып чынга ашырырга өметләнәбез, – диде төбәкара вәкиллек җитәкчесе Ольга Павлова.

КФУ студентлары Кытай халкының Яңа ел каршылау традицияләрен күрсәтте

Кытай календаре буенча Яңа ел 21 гыйнвар белән 21 февраль аралыгына туры килә.