Җәмгыять

Татарстанда 51 яшь әни тәүге баласы өчен түләүләр алган

2018 елның 1 гыйнварыннан соң аз керемле гаиләдә туган беренче балага 8490 сум күләмендә пособие бирелә.
13.02 17:26

(Казан, 13 февраль, “Татар-информ”, Чулпан Шакирова). Ел башыннан гамәлгә кергән канун нигезендә, республикада 51 яшь әни беренче баласы өчен өстәмә түләүләр алырга өлгергән. Бу хакта Татарстан социаль яклау министрлыгы Эльмира Зарипова Министрлар Кабинетында узган брифингта әйтте.

Исәкртеп үтик, 2017 елның 28 ноябрендә узган Координацион совет утырышында Россия Президенты В.Путин өстәмә материаль ярдәмгә мохтаҗ яшь гаиләләргә ярдәм төрләре кертүне тәкъдим итте. Шуның берсе – 1 гыйнвардан беренче бала туган гаиләләргә айлык түләүләр. 2018 елның 1 гыйнварыннан соң беренче бала тапкан яки беренче баланы уллыкка алган гаиләләр, балага яшь ярым булганчы айлык түләүләргә дәгъва кыла. 2018 елда беренче балага тәгаенләнгән түләүләр суммасы 8490 сумны тәшкил итә. Ул 2017 елның икенче кварталында Татарстанда балаларның яшәү минимумына тигез.

«Татарстанда 51 яшь әни беренче баласы өчен өстәмә түләүләр алырга өлгерде. Гомумән алганда, республикада балалы гаиләләргә юнәлтелгән ярдәм күләме 3,5 млрд сумны тәшкил итә”, – диде министр.

Беренче балага бирелә торган түләүләргә ия булуның махсус шартлары бар: әнинең дә, баланың да РФ гражданлыгы булырга тиеш, шулай ук РФ территориясендә даими яшәү дә төп шарт. Өченчесе һәм төп шарт: бер кеше башына туры килә торган айлык керем 13713 сумнан артмаска тиеш. Бу – яшәү минимумының 1,5кә тапкырлап билгеләнгән сумма. 2017 елның икенче кварталында Татарстанда бер кеше башына яшәү минимумы 9142 сумны тәшкил итә (9*142*1,5=13713 сум). Әйтик, өч кешедән торган гаиләнең айлык кереме (әти-әни һәм яңа туган бала) 41139 сумнан артмый икән, яшь әни айлык түләүгә өмет итә ала.

Беренче балага тиешле айлык түләүләрне рәсмиләштерү өчен социаль яклау бүлегенә түбәндәге документлар тапшырыла:
- баланың туу (уллыкка алу) турындагы таныклыгы;
- гаилә әгъзлаларының 12 айга бүленгән керем турындагы белешмәсе;
- банкта ачылган счет реквизитлары;
- паспорт.
Татарстанда гаиләдә туган тәүге балага беренче пособие Балтач районы Сизнер авылында яшәүче Анастасия Тарасовага бирелде. Бу тарихи вакыйгада “Татар-информ” хәбәрчесе дә катнашты.

КӨН ҮЗӘГЕНДӘ

"Татар кызы-2018" республика сайлап алу турының җиңүчесе билгеле

Ул - Балтачтан Гүзәл Габдрахманова. Гүзәл республика данын октябрь аенда яклаячак.

20 июньнең төп вакыйгалары - фото һәм сылтамалар

Татар эстрада җырчылары туган телгә багышлап клип төшергән, В.Шәйхразиев Бөтенроссия татар дин әһелләре форумы программасына төзәтмәләр кертте.

Рөстәм Миңнеханов “Казан футбол белән яши” ролигын интернетка куйды

Татарстан Президенты футбол буенча Дөнья чемпионатыннан соң, шәһәр кунакларының кабат Казанга килүен теләгән.

Рөстәм Миңнеханов Түбән Камада изобутилен җитештерү предприятиесен ачуда катнашты

Предприятие елына 160 мең тонна изобутилен җитештерү куәтенә ия, биредә 68 яңа эш урыны булдырылган.

Рөстәм Миңнеханов һәм Джанни Инфантино Казанда Испания - Иран матчын карый

Испаниянең мәдәният һәм спорт министры Хосе Гироа үз командасын карарга Казанга килгән.