Фән һәм мәгариф, Хәвеф-хәтәр

Казанбаш мәктәбе директоры тоткарланган

Хәзер директорга карата закон кысаларында каралган чикләү чарасын сайлау мәсьәләсе хәл ителә.
13.02 17:23

(Казан, 13 февраль, “Татар-информ”, Гөлнар Гарифуллина). Бүген Арча районы Казанбаш авылы мәктәбенең 40 яшьлек директоры Айдар Сафиуллин тоткарланган. Ул, балаларның күпләп авыруы белән бәйле җинаятьтә катнашы булуына шикләнелеп, Россия Федерациясе Җинаять-процессуаль кодексының 91 нче маддәсе нигезендә кулга алына. Бу хакта Россия Федерациясе Тикшерү комитетының Татарстан Республикасы буенча тикшерү идарәсе җитәкчесенең өлкән ярдәмчесе хәбәр итә.

Татарстан буенча тикшерү органнары Россия Җинаять кодексының 236 маддәсенең 1 нче часте (санитар-эпидемиологик кагыйдәләрне бозу) һәм 238 нче маддәнең 1 нче часте (куркынычсызлык таләпләренә җавап бирмәгән хезмәтләр күрсәтү) буенча кузгатылган җинаять эшен тикшерүне дәвам итә.

Искәртеп үтик, 10-11 февраль көннәрендә Республика йогышлы авырулар клиник хастаханәсенә авылдан Казанбаш төп гомуми белем бирү мәктәбендә укучы 36 бала һәм ике олы кешене китерәләр. Аларның барысына да эчәклек инфекциясе диагнозы куела.

Кичә мәктәп директорының балаларны ашатуда хилафлыклар турында тикшерүчеләргә гаебен тануы һәм тикшерү белән хезмәттәшлек итәргә әзер булуы турында билгеле булды. Хәзер директорга карата закон кысаларында каралган чикләү чарасын сайлау мәсьәләсе хәл ителә. Бу хәлнең барлык нечкәлекләрен ачыклауга юнәлдерелгән тикшерү гамәлләре уздырыла. Җинаять эшен тикшерү дәвам итә.


 

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.

Табигый газ ягучы техникаларның халыкара йөреше Бөгелмә аша узды

Техника колоннасы Баулы, Бөгелмә, Әлмәт аша уза, аннары Алексеевскига һәм Казанга юнәләчәк.