Хәвеф-хәтәр

Балтач районы Эш белән тәэмин итү үзәге директорын штрафка тартканнар

Суд Эш белән тәэмин итү үзәге директорына 40 мең сум түләргә карар чыгарган.
13.02 18:54

(Казан, 13 февраль, “Татар-информ”). Татарстанда Балтач районы Эш белән тәэмин итү үзәге директорын штрафка тартканнар. Бу хакта "Татар-информ”га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

63 яшьлек Зиннур Зәйнуллинны хезмәт урынында үз вәкаләтләреннән явызларча файдалануда гаепле дип тапканнар. Тикшерү ачыклаганча, Зәйнуллин ике ел дәвамында - 2014тән 2016 елга кадәр, бирелгән мәгълүматларны җентекләп тикшермичә, килешү йөкләмәләре үтәлеше турындагы актларны имзалаган.

Шулай итеп, “Кара Күл” компаниясе инвалидлар өчен биш яңа эш урынын җиһазлау турында хисап тоткан. Балтач районы Эш белән тәэмин итү үзәге мәгълүматлар дөреслеген тикшермичә, эшмәкәргә модернизациягә тотылган дип, 500 мең сум акча кайтарган. Нәтиҗәдә, бернинди яңа эш урыннары булдырылмавы һәм мөмкинлекләре чикле кешеләрне эшкә алу булмавы ачыкланган.

Суд Зәйнуллинны җинаять кылуда гаепле дип тапкан һәм аңа 40 мең сум штраф түләргә карар чыгарган.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.