Җәмгыять

Казанда Муса Җәлил шигырьләрен укучыларны бүләкләячәкләр

Бәйгедә катнашучыларны #җәлил2018, #җәлил112 һәм #мант хэштегы буенча карап була.
13.02 20:11

(Казан, 13 февраль, “Татар-информ”). Татарстан Милли музеенда 15 февраль көнне Муса Җәлилнең 112 еллыгы уңаеннан герой шагыйрьнең шигырьләрен укучыларны бүләкләячәкләр. Бу хакта Татарстан халыкларының яшьләр ассамблеясы матбугат хезмәте җиткерә.

Билгеле булганча, Татарстан халыкларының яшьләр ассамблеясы традиция буенча социаль челтәрләрдә Муса Җәлил шигырьләрен укучылар бәйгесен башлап җибәрде. Бәйгедә катнашучыларны #җәлил2018, #җәлил112 һәм #мант хэштегы буенча карап була.

Бәйгедә җиңүчеләрне Милли музейда “Моабит дәфтәрләренең” төп нөсхәсен алып чыккан көнне тыңларга була.

Шул ук көнне 11 сәгать 30 минутта 1 Май мәйданында Муса Җәлил һәйкәленә чәчәкләр салу булачак. Аннан соң музейда тантаналы төстә “Моабит дәфтәрләренең” төп нөсхәсен алып чыгу чарасы узачак.

 

КӨН ҮЗӘГЕНДӘ

Рәмис Аймәтнең ноталы җыр китабы басылып чыкты

Басмага шагыйрьнең йөздән артык җыры кергән.

Р.Миңнеханов санитар зоналар буенча кагыйдәләр турында: Каш ясыйм дип, күз чыгару кебек бу

Президент эшмәкәрләргә, санитар зоналар турында яңа кагыйдәләргә үзгәрешләр кертү турында федераль Хөкүмәткә хат юлларга вәгъдә бирде.

Рөстәм Миңнеханов эшмәкәрләргә битараф җитәкчеләрне ярты ел кабул итмәү белән янады

Татарстан Президенты түрәләрнең эшмәкәрләр белән сөйләшергә өйрәнергә тиешлеген әйтте.

Минтимер Шәймиев Зөя утрау-шәһәрчегендә Агач археологиясе музеен карады

Минтимер Шәймиев Археология институты хезмәткәрләрен Россия археологларының рәсми булмаган һөнәри бәйрәмнәре белән котлады.

Камил хәзрәт Сәмигуллин Мәккәдә Татарстан хаҗилары белән очрашты

Мөфти вәгазь сөйләде һәм булачак хаҗилар сорауларына җавап бирде.