Спорт

Д.Медведев Европа чемпионатында катнашучыларны котлады

Казан янәдән Европаның иң яхшы спортчыларын каршылый, диелгән Россия Хөкүмәте рәисе телеграммасында.
13.02 20:41

(Казан, 13 февраль, “Татар-информ”, Алексей Анисимов). Бадминтон буенча ир-атлар һәм хатын-кызлар арасында Европа чемпионатында катнашучыларны Россия Хөкүмәте рәисе Дмитрий Медведев телеграмма аша котлады. Россия Премьер-министры имзасы белән булган котлау телеграммасын Россия Бадминтон илкүләм федерация президенты Сергей Шахрай җиткерде.

“Быел Казан янәдән дөнья һәм Европа беренчелеге, Олимпия уеннары җиңүчеләрен һәм призерларын, шулай ук үз осталыкларын әле күрсәтергә җыенучыларны һәм җиңү баскычына күтәреләчәкләрне каршылый. Бадминтон Россиядә бик популяр. Теләсә кайсы спорт төре кебек үк, бадминтон характер һәм җиңүгә омтылыш тәрбияли, яхшы физик формада булырга ярдәм итә”, — диелгән Дмитрий Медведев котлавында.

Бадминтон буенча ир-атлар һәм хатын-кызлар командалары арасында Европа чемпионаты Казанда 13 февральдә башланып, 18 февральдә төгәлләнә.

Россиялеләр төркем этабында болгарлардан тыш бельгиялеләргә һәм испанлыларга каршы уйнаячак. Россия кызлары башлангыч этапта Төркия, Эстония һәм Латвия җыелмаларына каршы матчлар үткәрәчәк.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.

Соңгы елларда хаҗга яшьләр күбрәк бара башлаган

Ранис хәзрәт Вахитов сүзләренчә, барлык хаҗиларның яртысын – өлкәннәр, яртысын яшьләр тәшкил итә.