Җәмгыять

Эшләүче студент яшьләрнең Казанда III республикакүләм форумы узачак

Ул студентлар хезмәт хәрәкәтенә 55 ел тулуга багышлана.
13.02 21:50

(Казан, 13 февраль, “Татар-информ”, Чулпан Шакирова). Казанда эшләүче студент яшьләрнең III республикакүләм форумы узачак. Форумның девизы: “Сүз белән түгел, эш белән”. Форум мәйданчыкларында һәм тантаналы өлештә 1200 делегат катнашуы көтелә. Алар арасында муниципаль берәмлекләрнең иң яхшы хезмәт отрядлары, Татарстанның шәһәр округлары, сәнәгать секторының яшь алдынгылары, хезмәт ветераннары бар. Форум кысаларында студентлар отрядлары эшчәнлегенең төрле юнәлешләрен чагылдырган күргәзмәләр дә эшләячәк.

“17 февраль – Россия студентлар отряды көне буларак билгеләп үтелә. Без, традициягә туры калып, ничә ел рәттән бу датага туры китереп, чаралар уздырабыз. Әлеге атналыкта да күп эшләр көтелә”,  – диде студентлар хезмәт отряды оешмасының яшьләр эшләре буенча белгече Зилә Гыймазова.

Шуның берсе, матбугат очрашуы форматында, 15 гыйнвар көнне “Татар-информ” мәйданчыгында үтәчәк. Ул студент яшьләрнең III республикакүләм форумын уздыруга багышлана.

Форумның тантаналы өлеше 17 февраль көнне Универсиада авылында булачак. Монда “2017 елның иң яхшы студентлар отряды” бәйгесе җиңүчеләре дә игълан ителәчәк. Җиңүчеләр 16 номинациядә ачыкланып, 25-130 мең сум күләмендәге акчалата бүләккә лаек дип табылачак.

Быел иң зур бүләк – Гран-приның суммасы – 150 мең сум. Студентлар хезмәт отрядының җирле штабы ел җиңүчесе – 130 мең сум, вуз штабы җиңүчесе – 100 мең сум премия белән бүләкләнә. Елның иң яхшы отрядлары (төзелеш, ерак йөрешле поездларны озата баручылар, педагогия, хезмәт күрсәт, авыл хуҗалыгы, профильле) 50 мең сум күләмендәге акчалата бүләккә ия була. Моннан тыш, “Ел командиры”, “Ел комиссары”, “Иң яхшы мастер/методист”, “Белем бирү оешмасының иң яхшы хезмәткәре” кебек аерым номинацияләрдә дә җиңүчеләрне билгеләп, акчалата бүләкләр тапшырылачак.

Искәртеп үтик, Татарстан Республикасы студентлар хезмәт отряды хәрәкәтенә 2018 елда 55 ел тула. Яңарыш чорында 2017 елга кадәр хезмәт отрядларында Татарстанның югары һәм һөнәри уку йортларында белем алучы 135 мең студент эшләгән.

Мәгълүмат өчен: Татарстан Республикасы Студентлар хезмәт отрядлары (элек – төзелеш отрядлары) хәрәкәте оешуның тарихы алданрак - 1959 елдан ук языла башлый. Ул чакта М.В.Ломоносов исемендәге Мәскәү дәүләт университетының 500дән артык студенты Төньяк Казахстан өлкәсенә чирәм җирләрне торгызу, төзелеш эшләренә оешкан төстә китә, аларга башка зур калаларның студент яшьләре кушыла. 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.