Икътисад

Әлмәтнең 75 меңнән артык кешесе социаль түләүләр алган

Идарә 82 төрле дәүләт хезмәтләре күрсәтә.
14.02 05:00

 (Әлмәт, 14 февраль, "Татар-информ", "Әлмәт таңнары"). Әлмәттә социаль яклау идарәсенең исәп-хисап җыелышы булып узды. дип яза җирле басма.

Шәһәрдә һәм районда яшәүчеләрнең һәр өченчесенең социаль яклау идарәсенә йомышы төшкән. Бу аңлашыла да, чөнки идарә 82 төрле дәүләт хезмәтләре күрсәтә. 2017 елда социаль яклау идарәсе белгечләре учреждениеләргә һәм авыл җирлекләренә 43272 запрос җибәргән. Идарә начальнигы Кадрия Гыйматдинова билгеләп үткәнчә, торак һәм коммуналь хезмәтләргә түләүдә күрсәтелә торган социаль ярдәмгә ихтыяҗ зурдан икән. Узган ел әлмәтлеләрнең һәр алтынчысы, ягъни 35889 кеше торак-коммуналь хезмәтләргә түләүдә барлыгы 373, 5 миллион сум субсидия алган. Кыйммәтле дарулар алуга 37 өлкәнгә матди ярдәм күрсәтелгән. 56 пенсионер шифаханә-курорт юлламасы белән тәэмин ителгән. Балигъ булмаган балалы гаиләләргә социаль ярдәмгә 174 миллион сумнан артык акча тотылган һәм башкалар. Тулаем алганда, узган ел федераль, республика бюджетлары хисабына шәһәр һәм район халкына социаль ярдәм күрсәтүгә 776,5 миллион сум акча тотылган. Муниципаль бюджет та төрле категория кешеләргә социаль ярдәмгә 10 миллион сумнан артык акча бүлеп биргән.

Район ветераннар советы рәисе Василий Самойлов социаль яклау идарәсе эшчәнлегенә югары бәя бирде. Ул өлкәннәрнең даими кайгырту тоеп яшәүләрен, хәзер шикаять белән килүчеләрнең булмавын ассызыклады. Аның белән һәркем килешәдер, социаль хезмәткәр булып очраклы кеше яисә эш урыны, хезмәт хакы кирәк булганга гына эшли алмыйлар. Район башкарма комитеты җитәкчесенең социаль мәсьәләләр буенча урынбасары вазифаларын башкаручы Светлана Лаптева да шушы фикердә булуын белдерде. Ул хезмәтләрен югары бәяләп, фидакарьләргә район Советы һәм башкарма комитетының Мактау грамоталарын тапшырды. Социаль яклау идарәсе дә үзенең бүләкләрен әзерләгән иде.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Татарстан Президенты Туниска хезмәттәшлектә яңа мөмкинлекләрне ачыкларга килүен әйтте

Безнең төбәк Россия белән Тунис арасындагы мөнәсәбәтләргә үз өлешен кертә, диде Рөстәм Миңнеханов Тунис сәүдә министры белән очрашуда.

Дәүләт хезмәтләре порталында эш эзләүчеләр өчен яңа мөмкинлек барлыкка киләчәк

Роман Шәйхетдинов ел азагына кадәр порталда эшли башлаячак яңа сервисларны әйтеп чыкты.

Рөстәм Миңнеханов һәм Евгений Дитрих 17 октябрьдә яңартылган Казан – Чаллы трассасын ача

М7 «Волга» федераль трассасының Казаннан Чаллыга кадәрге участогын реконструкцияләү эшләре 10 ел дәвам иткән.