Мәдәният

"Ташлама, әнкәй" исемле танылган китап авторының яңа повесте дөнья күрде

Яшь башкорт язучысы Айгиз Баймөхәмәтов тиздән Казанда "Ташлама, әнкәй" китабының татар телендәге басмасын тәкъдим итәргә җыена.
14.02 07:42

(Казан, 14 февраль, “Татар-информ”). Яшь башкорт язучысы Айгиз Баймөхәмәтовның яңа – өченче китабы басылып чыкты. Бу турыда “Татар-информ”га автор хәбәр итте.

«Урам балалары» повесте быел Башкортстанда Гаилә елы билгеләп үтелү уңаеннан да дөнья күргән. Китап 3 мең данә тираж белән чыккан.
Әсәрдә сүз гаиләдәге шартларга түзә алмыйча, урамга чыгып, сукбайларча яшәүче, төрле фаҗигаләргә таручы яшүсмер турында.

Айгизнең әйтүенчә, әлеге темага башкорт телендә күптән инде китаплар язылганы юк. Сукбайлык, үткән гасыр проблемасы кебек тоелса да, бүген дә мөһим булып кала бирә. Автор үз китабында кеше тормышында гаиләнең әһәмиятен тасвирларга омтылган. Китап рус теленә дә тәрҗемә ителәчәк. Республика китапханәләре автордан, басылып чыкканчы ук, яңа китабын соратып куйганнар инде.

Исегезгә төшерәбез: Айгиз Баймөхәмәтовның иң беренче язылган - «Ҡалдырма, әсәй!» («Не оставляй, мама!») исемле автобиографик повесте - бүген Башкортстанда иң күп тиражлы заманча китап. Ул инде күптөрле телләргә тәрҗемә ителгән. Әсәр, китап буларак, төрле телләрдә - 30 мең данә һәм Интернет аша 100 мең тапкырдан артык күчереп алып укылган.

"Калдырма, әнкәй!" китабының татар теленә тәрҗемәсе Уфада әзерләнә. Автор аны февраль-март айларында басылып чыгар, дип ышандырды. Аннан соң Казанга килү теләге булуын да әйтте.
Автобиографик повестьны Башкортстанда яшәүче татар шагыйре, галим Руслан Сөйләйманов тәрҗемә иткән.
 

КӨН ҮЗӘГЕНДӘ

Хаҗ операторы хаҗиларны озата баручыларның ничек сайлануын әйтте

Бездә төркем башлыклары барысы да хәзрәтләр, студентлар юк, диде Ранис хәзрәт Вахитов.

Рөстәм Миңнеханов Мисыр эшмәкәрләрен KazanSummit 2019 чарасына чакырды

Каһирәдә узган “Татарстан– Мисыр” эшлекле форумында Татарстан һәм Мисыр сәүдә-сәнәгать палаталары арасында үзара аңлашу буенча меморандум имзаланды.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Данил Салихов "Фидакарь хезмәте өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Мирфатыйх Зәкиев һәм Рүзәл Йосыпов Фәннәр академиясенең алтын медале белән бүләкләнде

Рүзәл Йосыпов Татарстан Республикасы Фәннәр академиясенең алтын медален дәүләт бүләкләренән артык күрүен әйтте.