Җәмгыять

Васил Шәйхразиев Чиләбе өлкәсенең Законнар чыгару җыенында катнашты

Бөтендөнья татар конгрессы Милли Шура рәисе Васил Шәйхразиев Бөтендөнья татар конгрессы эшчәнлеге белән таныштырды.
14.02 11:18

(Казан, 14 февраль, “Татар-информ”). Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев Чиләбе өлкәсе Законнар чыгару җыены рәисе урынбасары, Чиләбе өлкәсе халыклары ассамблеясы җитәкчесе Александр Журавлев белән очрашты. Бу хакта Бөтендөнья татар конгрессы матбугат хезмәте хәбәр итә.

Очрашуда шулай ук Чиләбе өлкәсе Законнар чыгару җыены депутаты, Чиләбе өлкәсе татарлар Конгрессы Башкарма Комитеты рәисе Лена Колесникова, Чиләбе өлкәсе татарлары Конгрессы Башкарма комитеты рәисе урынбасары Ирек Сабиров, Чиләбе һәм Курган өлкәләре мөселманнарының төбәк Диния нәзарәте рәисе, мөфти Ринат хәзрәт Раев катнашты.

Бөтендөнья татар конгрессы Милли Шура рәисе Васил Шәйхразиев Бөтендөнья татар конгрессы эшчәнлеге белән таныштырды.

Очрашу барышында Чиләбе өлкәсе татарлары Конгрессының оешуына 20 ел тулу уңаеннан уздырылачак юбилей чаралары, алдагы эшчәнлек һәм уртак хезмәттәшлек турында сүз барды.

Татарстан премьер-министры урынбасары шулай ук журналистлар белән дә очрашты.

Хәзерге вакытта Урал федераль округының татар иҗтимагый оешмалары җитәкчеләре белән сөйләшү бара.

Искәртеп үтик, Урал федераль округында барлыгы 719 136 татар яши. Шуларның 17 017се Курган өлкәсендә, Свердловск өлкәсендә – 143 803, Төмән өлкәсендә – 239 995, Чиләбе өлкәсендә – 180 913. Тагын Ханты-Манси автоном округында 108 899, ә Ямал-Ненец округында 28 509 милләтәшебез гомер итә.
 

КӨН ҮЗӘГЕНДӘ

Минтимер Шәймиев рәссам Ринат Анимаевның “Париж язы” күргәзмәсендә булды

Ринат Анимаев – чыгышы белән татар булган француз рәссамы.

Рөстәм Миңнеханов Петербургта инвестицион мөмкинлекләргә багышланган сессиядә чыгыш ясады

Сессия «Евразия икътисади берлегендә инвестицион мөмкинлекләр: Казахстан Республикасында дәүләт активларын хосусыйлаштыру» темасына багышланды.

Минскида Роберт Миңнуллинның белорус телендәге җыентыгы тәкъдим ителде

“Төнге кошлар” җыентыгындагы шигырьләрне шагыйрь Микола Мятлицкий тәрҗемә иткән.

Фәрит Мөхәммәтшин: Тел проблемасы буенча күп милләтле илебезне бүлгәләргә ярамый

Парламент рәисе бу вазгыятьтән ничек чыгу турында тагын бер кат уйларга кирәклеген әйтте.

Депутат Юнысов туган телләрне ирекле укыту турында закон проекты хакында: Геноцид исе килә

“Халыклар арасында дошманлык уяту, илдәге вазгыятьне какшатырга омтылыш сизәм”, - ди ул.