Авыл

Язгы чәчү эшләрен башкару өчен Татарстанга 20 млрд сум акча кирәк

Министр сүзләренчә, иң зур чыгымнар минераль ашламаларга тотыла.
14.02 11:46

(Казан, 14 февраль, "Татар-информ", Чулпан Шакирова). Республика аграрийларына язгы кыр эшләрен башкарып чыгу өчен 20,1 млрд сум акча кирәк. Бу хакта бүген авыл хуҗалыгы министрлыгының киңәйтелгән коллегия утырышында министр Марат Әхмәтов әйтте.

"Язгы чәчү эшләренә 20,1 млрд сум капитал кирәк. Шуның 7,5 млрд. сумы минераль ашламаларга. Бу - бер гектар җиргә 65 кило исәбеннән санаганда. Ягулык-майлау материалларына 3,6 млрд. сум,  үсемлекләрне саклау өчен химик чараларга 2,3 млрд сум, техниканың өзлексез эшен тәэмин итү өчен запас частьларга 1,6 млрд сум кирәк",- диде Марат Әхмәтов. Шулай ук 1,3 млрд сумлык чәчү орлыгы кирәклеген дә искәртте.

Министр сүзләренчә, язгы-кыр эшләрендә катнашкан хезмәткәрләргә хезмәт хакы түләү өчен 1,6 млрд сум акча кирәк.
2018 ел чәчүенә дип 367 мең тонна орлык чәчелгән. Бу барлык ихтыяҗның 105 процентын тәшкил итә. 

КӨН ҮЗӘГЕНДӘ

Гөлназ Сәфәрова белән Айваз Садыйров фонограммага җырлаучының чын йөзен ачарга өйрәтте

"Татар радиосы" хитлары" концертында утыздан артык татар эстрада җырчысы тере тавышка җырлаячак.

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

Татарстан юлларында куркыныч участоклар саны кимегән

Казан-Чаллы юлын төзекләндерү дә һәлакәтләр санын киметте, диде Рөстәм Миңнеханов.

Россия Президенты ярдәмчесе “Казан Экспо” күргәзмә үзәге әзерлеген югары бәяләде

“Юллар 2018” халыкара күргәзмәсе “Казан Экспо” мәйданында беренче тапкыр үткәрелә.