Җәмгыять

Урал федераль округы татар оешмалары җитәкчеләре Чиләбедә җыелды

Милләтне саклауны үзебездән башларга тиешбез, дип белдерде очрашуда В.Шәйхразиев.
14.02 11:57

(Казан, 14 февраль, “Татар-информ”). Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев Чиләбе шәһәрендә Урал федераль округының татар иҗтимагый оешмалары җитәкчеләре белән очрашты. Бу хакта Бөтендөнья татар конгрессы матбугат хезмәте хәбәр итә.

Чараның тантаналы өлешендә Чиләбе өлкәсенең Законнар чыгару Җыены рәисе урынбасары, Чиләбе өлкәсе халыклары Ассамблеясы җитәкчесе А.Л.Журавлев сәламләде.

Алга таба Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев чыгыш ясады. Үзенең чыгышында ул әлеге очрашуларның Бөтендөнья татар конгрессы үсеше стартегиясен камилләштерү, татар халкының этномәдәни ихтыяҗларын канәгатьләндерү һәм милли үзенчәлеген саклап калуда дәүләт һәм иҗтимагый структураларның партнерлык хезмәттәшлеген ныгыту максатында уздырылуын билгеләп үтте.

“Кичә Новосибирскида Себер төбәген, бүген монда Урал төбәгендәге җитәкчеләрне җыйдык. Алдагы очрашу Хабаровскида, — дип белдерде В.Шәйхразиев. — Үзебезнең позицияләребезне югалтмас өчен барыбыз да бергә кулга-кул тотынып эшләргә тиешбез. Без Рәсәйдә халык саны ягыннан 2 нче урында. Милләтне саклауны үзебездән башларга тиешбез. Без бер-беребезгә таянып алга барырга тиешбез”.

Очрашу ахырында Татарстан премьер-министры урынбасары, Бөтендөнья татар конгрессы Милли Шура рәисе Васил Шәйхразиев Урал федераль округындагы татар иҗтимагый оешмаларының актив җитәкчеләренә рәхмәт хатлары тапшырды.

Очрашуда Курган, Свердловск, Төмән, Чиләбе өлкәләре, ХМАО-Югра автоном округы вәкилләре катнашты.
 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

Татар галимнәре Габдулла Тукай тәнкыйтьләгән шәхесләргә гадел бәя биргән

Без Тукайны “соңгы инстанциядәге хакыйкать” буларак кабул итәргә күнеккән, ди Татарстан Фәннәр академиясе хезмәткәре Марсель Ибраһимов.

Татарстан Дәүләт Советы Рәисе Әлмәт районында яңартылган Мәдәният йорты ачты

Фәрит Мөхәммәтшин клуб эшчәнлеге белән танышты, Мәдәният йортына Татарстан Президентыннан бүләк - Сертификат тапшырды.