Рәсми Татарстан, Җәмгыять

Минтимер Шәймиев Хәйриячеләр китабының сигезенче томын хәйриячеләргә тапшырды

“Яңарыш” фондының “Хәйриячеләр китабы” сигез ел дәвамында чыгып килә.
14.02 16:10

(Казан, 14 февраль, "Татар-информ", Рузилә Мөхәммәтова). Татарстанда Хәйриячеләр китабының VIII томы дөнья күрде. Бүген ул тантаналы шартларда "Татарстанның мәдәни мирасы: Борынгы Болгар шәһәре һәм Свияжск утрау-шәһәре" комплексында катнашучыларга тапшырылды. Казан Кремлендә хәйриячеләрне Татарстан Дәүләт Киңәшчесе, “Яңарыш” фонды попечительләр Советы Рәисе Минтимер Шәймиев котлады - Рәхмәт хатлары һәм Хәйриячеләр китабының яңа томын тапшырды.

“Яңарыш” фондының “Хәйриячеләр китабы” сигез ел дәвамында чыгып килә. Сигез ел эчендә китапка 74 мең исем кертелгән. Китапта Татарстан авыл һәм шәһәрләрендә яшәүчеләрнең генә түгел, Россиянең төрле шәһәрләреннән, шулай ук, Италия, Германия гражданнарының да исемнәре бар. Китапның VIII томына 6 226 хәйрияченең исеме кертелгән. Хәйриячеләренең өчтән бере - берничә тапкыр мәдәни мирас объектларын торгызуга үз өлешләрен кертүчеләр. Аларның күбесенең исемен китапның берничә томыннан табарга була.

“Без нәрсәгә омтылдык - шуңа ирештек, - диде Минтимер Шәймиев. - Безнең эшебез тарихи мирас белән шөгыльләнү өчен бөтен Россиягә сигнал булды. Тарих безгә кадәр дә язылган, аны без дә язабыз. Без тотынсак - булдырабыз. Барып чыгасына ышанырга гына кирәк".

Бүләкләнүчеләр арасында депутатлар, республика районнары башлыклары һәм төрле предприятие җитәкчеләре бар иде. Китапның булачак IX томына исемнәре кертеләчәк быелгы беренче хәйриячеләр – «Kazan volunteers» хәрәкәте активистлары булган яшьләр – Алмаз Аскаров, Мария Рязанова һәм Тимур Туфетулловларга да Рәхмәт хатлары тапшырылды.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына