Мәдәният, Татар дөньясы

Петербургта балалар Сабан туе үткәрергә җыеналар

Быел Петербургта узачак бу чара төньяк башкалада беренче тапкыр оештырыла торган балалар Сабан туе булачак.
14.02 21:13

(Казан, 14 февраль, “Татар-информ”). Бүген Кызыл Гвардия районы хакимиятендә Татарстан Республикасының Санкт-Петербург шәһәре һәм Ленинград өлкәсендәге Тулы вәкаләтле вәкиле Ренат Вәлиуллин, Татар милли-мәдәни мохтәрияте рәисе Рәис Яркәевның Кызыл Гвардия районы хакимияте башлыгы Евгений Разумишкин белән очрашуы узды. Очрашуда Петербургта беренче балалар Сабан туе уздыру хакында сөйләштеләр. Бу турыда Санкт-Петербург өлкәсендә Татарстан вәкиллеге матбугат хезмәте хәбәр итә.

Евгений Разумишкин кунакларга район, аның мәдәният һәм сәнәгать объектлары турында сөйләде.

Очрашуда уртак мәдәни чараларны, сәнгать күргәзмәләрен һәм турнирларны оештыру һәм үткәрү мәсьәләре буенча фикер алыштылар. Төп мәсьәлә буларак “Петербургта балалар Сабан туе 2018” оештыру һәм үткәрү каралды. Бу Санкт-Петербургта үткәрелә торган беренче балалар Сабан туе булачак.

Очрашу азагында алга таба да хезмәттәшлек, мәдәният, икътисад һәм туристлык өлкәләрендә эшлекле элемтәләрне җайга салу турында килештеләр, диелә әлеге хәбәрдә.

 

КӨН ҮЗӘГЕНДӘ

Татарстан Президенты һәм Тунис Премьер-министры хезмәттәшлек турында сөйләшәчәк

Рөстәм Миңнеханов кыска вакытлы эш сәфәре белән Туниска килде.

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Татарстан Президенты җырчы Ландыш Нигъмәтҗановага мактаулы исем бирде

Җырчы яраткан тыңлаучыларына, «Барс-Медиа» компаниясенә, Хөкүмәт җитәкчелегенә рәхмәт әйтә.

Данил Салихов "Фидакарь хезмәт өчен" медале белән бүләкләнде

Медальне Татарстан Язучылар берлеге рəисенə Лəйлə Фазлыева белəн Дамир Натфуллин тапшырды.

Миңнеханов Татарстан һәм Мисыр мәдәният министрларына сәнәгатьчеләргә үрнәк булырга кушты

Татарстан Президенты фикеренчә, Мисыр белән Татарстан Республикасы арасында мәдәният өлкәсендәге хезмәттәшлек икътисадка караганда тизрәк җайга салына