Сәясәт

Яңа вазифага билгеләнгән Ләйлә Фазлыева планнары белән уртаклашты

“Иҗтимагый оешмалар белән хезмәттәшлек яңа сулыш алыр, дип уйлыйм”, - диде вице-премьер.
20.02 14:11

(Казан, 20 февраль, “Татар-информ”, Гөлнар Гарифуллина). Бүген Татарстан Дәүләт Советы утырышында Ләйлә Фазлыеваның Татарстан Премьер-министры урынбасары вазифасына билгеләнгәнлеге мәгълүм булды. Ул социаль сәясәт мәсьәләләре өчен җаваплы булачак. Республиканың тугызынчы вице-премьеры журналистларга үзенең эшчәнлеге буенча кыскача планнары белән уртаклашты.

“Социаль сәясәт һәрвакыт катлаулы, дип уйлыйм. Әмма бер стратегия бар: ашыгычтан - мөһимгә таба. Социаль тармак өчен бу һәрвакыт гамәлдә”, - диде Ләйлә Фазлыева.

Вице-премьер иҗтимагый оешмалар белән эшчәнлек актив булачагын ассызыклады. “Бүген, 10-15 ел элеккегә караганда, иҗтимагый оешмалар күпкә статуслырак. Иҗтимагый оешмалар гражданнар җәмгыяте институты булып тора. Президент Аппаратында без иҗтимагый оешмалар белән эшләдек. Хәзер дә бу эш дәвам иттереләчәк. Хезмәттәшлек механизмнары шул ук калачак, кайбер өлкәләрдә бераз яңа сулыш өрелер, дип уйлыйм. Еш кына иҗтимагый оешмалар белән эшләгән вакытта, аларны ишетә белү мөһим. Иҗтимагый оешмалар белән хезмәттәшлек яңа сулыш алыр, дип уйлыйм. Социаль өлкәдә төп стратегияләрнең берсе - ачык булу. Ачык булу бик кыен. Һәр кеше белән аерым эшләү мөһим һәм катлаулы”, - дип билгеләп узды Фазлыева.

 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.