Сәясәт

Әсгать Сәфәров: Татарстан кешеләренең чит илдә дә сайлау мөмкинлеге булырга тиеш

Чит илләрдәге Татарстан вәкилләренә Россия Президентын сайлауда ватандашларыбызның конституцион хокукларын тормышка ашыруда ярдәм итү бурычы йөкләнде.
26.02 18:42

(Казан, 26 февраль, “Татар-информ”, Арсений Маврин). Чит илләрдәге Татарстан вәкилләренә 18 мартта узачак Россия Президентын сайлау вакытында илдән читтә булган ватандашларыбызга сайлауда катнашуда ярдәм итү бурычын йөкләделәр. Бу хакта Россия Тышкы эшләр министрлыгының Казандагы вәкиле Радик Вахитов әйтте.

Бүген Казанда Татарстан Президенты Аппараты җитәкчесе Әсгать Сәфәров чит илләрдәге һәм Федерация субъектларындагы Татарстан вәкилләре белән узган киңәшмә вакытында шундый бурыч куйды. Ул кешеләрнең, кайда гына булуына карамастан, конституцион хокукларын тормышка ашыру мөмкинлекләре булырга тиешлеген билгеләп үтте.

Шулай ук Татарстанның кайбер министрлык җитәкчеләре катнашында узган киңәшмә барышында төбәкләрдәге һәм чит илләрдәге Татарстан вәкилләренең 2017 ел эшчәнлегенә йомгак ясалды һәм алдагы елга бурычлар билгеләнде.
 

КӨН ҮЗӘГЕНДӘ

Рөстәм Миңнеханов район башлыкларына коммуналь техника ачкычлары тапшырды

Республиканың 25 муниципаль районына автогрейдер, төягеч һәм башка махсус техника тапшырдылар.

“Ак Барс” Казанда “Сибирь” командасын җиңде

26 сентябрьдә “Ак Барс” Кытай командасы “Куньлунь Ред Стар” белән “Татнефть-Арена” бозында көч сынашачак.

Казанда ат спорты буенча Татарстан Кубогы тәмамланды

Ярышларда барлыгы 34 команда катнашты.

24 сентябрьнең төп вакыйгалары - фото һәм сылтамалар

Татарстан Президенты Дәүләт Советына еллык Юллама белән чыкты, 2019 ел Татарстанда Эшче һөнәрләре елы булачак, Казанга Үзбәкстан театры килде.

Татарстан районнарының иң яхшы якташлыклары бүләкләнде

Быел беренче урынга Буа районы якташлык җәмгыяте лаек булды.