Сәясәт

АКШ илчесе Казан турында фикерләре белән уртаклашты

Америка дипломаты Россия һәм АКШ халкы арасындагы турыдан-туры элемтәләрнең күптәннән урнашуын билгеләп үтте.
27.02 09:29

(Казан, 27 февраль, «Татар-информ»). АКШның Россиядәге илчесе Джон Хантсман Казанга ясаган визитының беренче көнен «искиткеч» дип атады. Дипломатның әлеге сүзләре Америка илчелегенең Twitter социаль челтәрендәге рәсми микроблогында урнаштырылган.

Хантсман әйтүенчә, Россия һәм АКШ халкы арасында күптәннән урнашкан турыдан-туры элемтәләр һаман да ныклы булып кала. 

Илчелекнең Instagram социаль челтәрендәге сәхифәсендә тагын бер пост пәйда булды.

Дипломат Татарстан башкаласы белән танышуы анда зур тәэсир калдыруы һәм фотограф Саша Громның яңа технологияләр ярдәмендә Казан шәһәренең матурлыгын бөтен дөньяга күрсәтә алуы хакында искәртә.

«Илләребез арасындагы мөнәсәбәтләрдә киеренкелек күзәтелгән чорда мондый диалог аеруча мөһим», - дип сүзен йомгаклады Джон Хантсман.

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Акимов Россия белән Сингапур хезмәттәшлеген үстерүдә Татарстанның күп эш башкаруын әйтте

Россия-Сингапур эшлекле форумының пленар утырышында Татарстан Республикасы Президенты Рөстәм Миңнеханов катнашты.

Алексей Песошин КДЭУ технопаркының Татарстанга яңа инновацион идеяләр бирәчәген әйтте

Премьер-министр, Казан дәүләт энергетика университетының 50 еллык юбилее кысаларында, технопарк ачылышында катнашты.

Татар спортчысы Илдар Ягъяев Казахстан чемпионатына әзерләнә

Киевта узган дөнья чемпионатында Илдар Ягъяев җиңүче булган иде.

Боксчы Артур Сөбхәнкулов хәзер өйрәнмәсәк, оныкларыбыз татар телен онытачак, дип исәпли

Россия һәм Куба җыелма командалары арасында халыкара матчта җиңгән боксчы егет татар телен камил белмәвеннән ояла.