Икътисад, Рәсми Татарстан

Рөстәм Миңнеханов Казанда булачак эшмәкәрләрне тәрбияләү мөһимлеген әйтте

Татарстан Президенты фикеренчә, Казанның тулай территориаль продукты күләмендә кече һәм урта бизнес өлеше азрак.
28.02 21:13

(Казан, 28 февраль, “Татар-информ”, Гөлнар Гарифуллина). Казанның тулай территориаль продуктында кече һәм урта бизнес 38 процентны тәшкил итә. Татарстан Президенты фикеренчә, бу җитәрлек түгел. “Сездә потенциал күбрәк, сез бит башкала”, - дип белдерде Рөстәм Миңнеханов Казан шәһәре Думасы сессиясендә.

“Кече бизнеска карата мөнәсәбәтне үзгәртү кирәк. Системалы эш булдыру зарур. Булачак эшмәкәрләрне тәрбияләү, кече һәм урта бизнес вәкилләрен формалаштыру, алар өчен консультацияләр үткәрү мөһим. Бу тема өстенлекле булырга тиеш”, - дип мөрәҗәгать итте Рөстәм Миңнеханов Казан мэры Илсур Метшинга.

Президент инвестицион климат мониторингына игътибарны юнәлтте. Ул сораштырылган Казан эшмәкәрләренең 33 процентының административ каршылыкларга очравын билгеләп узды. 60 проценты шәһәр хакимиятеннән тиешле ярдәм юк, дип саный. 20 процент эшмәкәр эшлекле инфраструктура сүлпәнлегенә зарлана. 59 проценты соңгы елда тикшерүләргә дучар булулары турында әйткән. 21 проценты вазифаи затлар тарафыннан салкын карашка юлыккан.

“Без тикшерергә яратабыз. Илсур Рәисович, менә бу тема сезнең контрольдә булырга тиеш. Казан бөтен республика өчен үрнәк булырга тиеш. Тулаем алганда, бездә кече һәм урта бизнеска ярдәм итү буенча башлангычлар күп”, - диде Президент. Ул бизнеска үз эшен башлый алырлык мәйданчыклар кирәк булуын әйтте. “Сездә үзегезнең үсеш рецепты булырга тиеш”, - дип белдерде.

 

 

КӨН ҮЗӘГЕНДӘ

Продюсер Миләүшә Айтуганова ике хатынлылык темасына фильм төшерергә җыена

«Татаркино» Гаяз Исхакыйның «Остазбикә» әсәре мотивлары буенча фильмга кастинг уздыра.

“Татар кызы – 2018” бәйгесенең финал этабын “Татар-информ” онлайн күрсәтә

Бәйге бүген, 20 июнь көнне, 18.30 сәгатьтә Филармония концертлар залында үтәчәк.

FISU Рөстәм Миңнехановны Жан Птижан медале белән бүләкләде

Татарстан Президентына бүләкне FISU президенты Олег Матыцин һәм генераль секретарь Эрик Сенрон тапшырды.

Футбол буенча дөнья чемпионатының мәдәни программасы: Казан Кремле

Чемпионат чорында музей-тыюлык территориясендә музыкаль фестивальләр һәм күргәзмәләр узачак.

14 июльдә "Керәшен чибәре-2018" билгеле булачак

Конкурс Мамадыш районы Җөри авылында - Питрау бәйрәме кысаларында үткәреләчәк.